Capercaillie, esti xueves en Xixón, na Llaboral Ciudá de la Cultura

Si te presta la música con alma, el direutu de Capercaillie ye una oportunidá difícil de dexar pasar. Con más de 40 años sobro los escenarios, la banda escocesa sigui emocionando al públicu col so amiestu únicu de tradición gaélica y soníos actuales, nun espectáculu llenu d'enerxía, sensibilidá y calidá musical.

El so últimu trabayu, ReLoved, dió una nueva dimensión al so repertoriu con igües sinfóniques, y en vivu caltienen tola fuerza de los sos raigaños y cantares tradicionales, pieces instrumentales hipnótiques y melodíes que coneuten direutamente col públicu. Nun ye namái un conciertu, ye un viaxe sonoru per Escocia y per mediu mundu.

La formación de Capercaillie ta compuesta por dalgunos de los músicos celtes más solicitaos del mundu, con Karen Matheson (voz), Donald Shaw (curdión), Charlie McKerron (vigulín), Manus Lunny (bouzouki), Michael McGoldrick (flautes y gaites), David Robertson (percusión), James Mackintosh (batería) y el baxista Ewen Vernal.

Consideraos pioneros en llevar la música tradicional al ámbitu internacional, han recorrido más de 30 países y vendío más d'un millón de discos. A lo llargo de la so carrera xugaron con estilos que van dende la electrónica hasta'l jazz, ensin perder les sos raíces, algamando premios como'l primer tema en gaélicu n'entrar en llistes d'éxitu con “Coisich a Ruin”.

El conciertu va ser nel teatru de la Llaboral, el xueves 16 d'abril, con un preciu de 20€. Les entraes pueden mercase en llinia na páxina de la Llaboral.