Netanyahu y el xenocidiu

El réxime sionista de Benjamín Netanyahu ta nel puntu de mira (y yá ta tardando) y viendo les puertes de los xuicios que lu acesmen por xenocidiu, pero llonxe de vencer, dobla'l so apueste criminal. Al mandu d'un gobiernu d'ultraderecha y supremacistes xudíos, Netanyahu desprecia abiertamente a la Corte Penal Internacional y a la Corte Internacional de Xusticia, a les que noma de "antisemites" mientres sigui ordenando la masacre en Gaza (y agora en Líbanu). Nun-y importa que'l mundu lu siñale como arquiteutu d'una llimpieza étnica sistemática: sabe que la so única salida ye caltenese nel poder a cualesquier preciu, inclusive si eso significase fundir a Israel nel aisllamientu total. Cada bomba que cai sobre campamentos de refuxaos, cada hospital destruyíu y cada neñu asesináu ye, pa él, un escudu políticu pa safar la xusticia interna por corrupción.

Pero la farsa del réxime sionista nun va durar pa siempres. Netanyahu ta xugando cola complicidá de los sos aliaos occidentales, qu'asonsañen horror mentanto-y siguen unviando armes y cobertoria diplomática. Sicasí, la hestoria yá vio cayer a otros xenocides que creíen tener impunidá. Los testimonios dende Gaza, los informes de Naciones Xuníes y la creciente movilización popular global tán texendo una lluria llegal y moral que tarde o aína-y apertará'l pescuezu. Xunto al so collaciu matón de patiu de colexu, Trump, sigui coles sos bravuconaes, sigui llamando "guerra de supervivencia" a lo que ye una masacre colonial entamada. Pa cuando los xuicios avancen y les ordes de captura fáiganse efectives, nun va haber búnker nin blindaxe diplomáticu que lu salve de terminar los sos díes como lo que ye: un criminal de guerra sionista qu'acabaráa xulgáu pola humanidá. Namái esperemos que nun tenga la mesma suerte que Pinochet.