Yá puede descargase'l númberu 7 d'Añada, la revista d’estudios llioneses

Yá puede consultase la versión electrónica del númberu siete d’Añada, la revista d'estudios llioneses, una publicación académica editada pola Asociación Cultural Faceira en collaboración cola “Cátedra de Estudios Leoneses” (CELe), na que, por primer vez en Llión, puede escribise n'asturllionés.

El númberu siete, que yá ta disponible nel repositoriu de revistes electróniques de la Universidá de Llión (ULErevistas), recueye estudios firmaos por Sergio Tomé Fernández y Alfonso Suárez Rodríguez; Pedro Victor Fernández, Juan Ignacio Torres Montesinos, Rafael Maldonado de Guevara Delgado; Irene del Canto Mínguez y César García Álvarez; y Pablo Ordás Díaz, asina como una recensión desenvuelta tamién por Juan Ignacio Torres Montesinos.