Ciencia
normal
🟡 Timer
Un descubrimientu accidental permite salvar corales a piques de la muerte
Investigadores de la Universidá de Stanford afayen que los corales afeutaos pol calecimientu de los océanos puen recuperar la so salú per aciu'l contautu con exemplares xenéticamente idénticos, abriendo nueves posibilidaes pa salvar los petones
📷 Francesco Ungaro
05/11/2026 05:00
| REDAICIÓN
Un equipu de científicos de la Universidá de Stanford, n'Estaos Xuníos, afayó un sorprendente mecanismu natural que permite recuperar corales gravemente afeutaos pol ablancazamientu, unu de los principales problemes ambientales qu'amenacen los ecosistemes marinos. La investigación, espublizada'l 14 d'ochobre na revista científica Science Advances, amuesa que los corales debilitaos puen recuperar dafechu la so salú en malapenes siete selmanes cuando entren en contautu con fragmentos sanos xenéticamente idénticos. L'afayu surdió por accidente en 2025, cuando'l biólogu marín Stephen Palumbi reparó que dos fragmentos de coral que quedaren en contautu dientro d'un acuariu empezaben a compartir la so coloración, magar qu'unu d'ellos taba gravemente amalicáu.
Pa comprobar el fenómenu, los investigadores tresnaron diez pareyes de fragmentos de coral, caúna formada por un exemplar sanu y otru blanquiáu procedentes del mesmu individuu. A cinco pareyes asitiáronles en contautu direutu y a les otres cinco caltuviéronles separtaes per unos pocos milímetros. Les resultancies foron estraordinaries: tolos fragmentos amalicaos que tocaron a los sos equivalentes sanos recuperáronse dafechu en siete selmanes, ente que los que permanecieron dixebraos terminaron morriendo. Per aciu de microscopía, los científicos afayaron que los texíos de los corales compatibles fúndense y formen diminutes canales peles que circulen algues microscópiques beneficioses y nutrientes. En malapenes trés díes, estes algues empecipiaron a colonizar los fragmentos deterioraos y a multiplicase aína, devolviéndo-yos progresivamente la so capacidá de llograr enerxía.
El descubrimientu abre una vía nueva pal caltenimientu de los petones de coral, ecosistemes esenciales pa miles d'especies marines y gravemente amenazaes pol aumentu de la temperatura de los océanos. L'ablancazamientu produzse cuando l'estrés térmicu provoca que los corales espulsen les algues simbiótiques que viven nos sos texíos, perdiendo asina una importante fonte d'alimentu y quedando espuestos a morrer por inanición. Los investigadores comprobaron que, dempués de malapenes una selmana de contautu con un fragmentu sanu, dellos corales podíen siguir recuperándose por sigo mesmos. Sicasí, alvierten de que'l procedimientu aínda s'atopa en fase esperimental, namái se demostró en llaboratoriu y rique compatibilidá xenética pa consiguir la recuperación completa. Magar estes llimitaciones, consideren qu'entender esti mecanismu podría dexar desenvolver téuniques nueves de restauración pa unos ecosistemes especialmente vulnerables al cambéu climáticu.
Fontes:
1. Universidá de Stanford — Comunicáu oficial (14 d'ochobre de 2026)
2. Science Advances — Investigación científica orixinal (14 d'ochobre de 2026). Títulu: Rapid coral bleaching recovery via symbiont transfer from healthy corals.
3. Nature — Información científica sobre'l descubrimientu (14 d'ochobre de 2026)
Pa comprobar el fenómenu, los investigadores tresnaron diez pareyes de fragmentos de coral, caúna formada por un exemplar sanu y otru blanquiáu procedentes del mesmu individuu. A cinco pareyes asitiáronles en contautu direutu y a les otres cinco caltuviéronles separtaes per unos pocos milímetros. Les resultancies foron estraordinaries: tolos fragmentos amalicaos que tocaron a los sos equivalentes sanos recuperáronse dafechu en siete selmanes, ente que los que permanecieron dixebraos terminaron morriendo. Per aciu de microscopía, los científicos afayaron que los texíos de los corales compatibles fúndense y formen diminutes canales peles que circulen algues microscópiques beneficioses y nutrientes. En malapenes trés díes, estes algues empecipiaron a colonizar los fragmentos deterioraos y a multiplicase aína, devolviéndo-yos progresivamente la so capacidá de llograr enerxía.
El descubrimientu abre una vía nueva pal caltenimientu de los petones de coral, ecosistemes esenciales pa miles d'especies marines y gravemente amenazaes pol aumentu de la temperatura de los océanos. L'ablancazamientu produzse cuando l'estrés térmicu provoca que los corales espulsen les algues simbiótiques que viven nos sos texíos, perdiendo asina una importante fonte d'alimentu y quedando espuestos a morrer por inanición. Los investigadores comprobaron que, dempués de malapenes una selmana de contautu con un fragmentu sanu, dellos corales podíen siguir recuperándose por sigo mesmos. Sicasí, alvierten de que'l procedimientu aínda s'atopa en fase esperimental, namái se demostró en llaboratoriu y rique compatibilidá xenética pa consiguir la recuperación completa. Magar estes llimitaciones, consideren qu'entender esti mecanismu podría dexar desenvolver téuniques nueves de restauración pa unos ecosistemes especialmente vulnerables al cambéu climáticu.
Fontes:
1. Universidá de Stanford — Comunicáu oficial (14 d'ochobre de 2026)
2. Science Advances — Investigación científica orixinal (14 d'ochobre de 2026). Títulu: Rapid coral bleaching recovery via symbiont transfer from healthy corals.
3. Nature — Información científica sobre'l descubrimientu (14 d'ochobre de 2026)
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
