Actualidá
📝 Opinión
Simplifica que dalgo queda
21/09/2026 06:52
| Lluis Aique Iglesias
Por Lluis Aique Iglesias Fernández, integrante de la Executiva d'Aína
Tener qu'esplicar les coses tal como son ye canso. Lleva tiempu, tamién. Vas con una propuesta y la xente empieza a tener idees propies, una diferente a la otra. Y nenguna d'elles coincide cola tuya. Esto de la democracia y tomar decisiones toes xuntes ye una aburrición, ye más eficiente engañar. ¿Y cuála ye la meyor manera d'engañar? Cuntar la parte más guapa del cuentu y atapar lo demás.
Una cosa asina como lo que pasa col centru de datos de Salas.
¿Qué nos cuntaron d'esi centru de datos? Qu'una empresa va llantalu nun polígonu industrial a la vera'l ríu Nonaya; que se van invertir 1.226 millones d'euros; que va crear 3.000 puestos de trabayu de la que lu construyen d'equí a 2030; que nesi añu en pa delantre va cuntar con 120 puestos de trabayu directos, 962 indireutos y 236 inducíos; que va aportar 4.177 millones d'euros en 20 años al Productu Internu Brutu (PIB) d'Asturies; que va xenerar un retornu fiscal acumuláu p'Asturies de 753 millones d'euros (d'esos, 26,4 millones van dir a parar a les cuentes del conceyu de Salas); que va meter a Asturies al centru de la industria del futuru, la Intelixencia Artificial (IA).
Hai que ser babayu pa nun querer una cosa asina. Tocónos la llotería n'Asturies. ¿Qué más hai que pensar? Mio madre siempres me dixo que naide nun da pesetes a perrona. ¿Pero, qué pue saber mio madre de tecnoloxía y economía si ye una paisana de casi 85 años que nunca pasó de primaria? Dame qu'igual de tecnoloxía nun sabe muncho, pero sí tien muncho d'eso que casi nun queda nestos tiempos d'egoísmu individualista: sentíu común, d'esi que se tien en comunidá. Y el sentíu común diz que primero de mercar el burru hai que mira-y el dentame. Y esti burru, si abre la boca, güel a podre.
Pa empezar, “Digital Valley Asturias” ye'l pelleyu que se-y pon n'Asturies a un animal madrilanu que se llama “Digital Valley Spain”. Pero les dos coses namás son marques comerciales d'una empresa llamada “Sales for You Consulting” (S4U). Esta S4U (y les sos marques comerciales) nun son les dueñes del proyectu, namás son unos axentes inmobiliarios que van entregar les llaves del cosu ésti a los dueños verdaderos, que nun vamos conocer hasta'l día que se conecten a la rede llétrica y principien a operar. Como datu, valnos saber que “Digital Valley Spain” tien un capital social de 4.000 euros, un poco escasos pa los 1.226 millones d'euros d'inversión (supuestamente). La IA tien unes posibilidaes bárbares en medicina, por poner; si se pon a ello pue atopar la cura pal cáncanu. Pero los usos que tamos viendo más son los d'atochecenos en redes sociales, espianos y matar. Dicen que detrás de toa esta operación ta un fondu d'inversión de los Estaos Xuníos y eso ponnos más cerca d'esti escenariu últimu. ¿Taríemos a gustu si'l propietariu acaba usando los servidores del centru de datos de Salas pa la IA militar qu'asesina palestinos en Gaza?
Saber quién ye'l propietariu final verdaderu del centru de datos de Salas ye importante tamién pa conocer l'aportación fiscal real d'esti tipu d'empreses. Hai que dicir que les multinacionales estaoxunidenses cuenten col beneficiu d'una cláusula de “non doble imposición”; esto ye, que nun se-yos pue cobrar impuestos si yá los tán pagando nos Estaos Xuníos. Amás, munches tecnolóxiques n'Europa escueyen poner les sos sedes europees n'Irlanda, onde paguen unos impuestos mui baxos. Ye'l casu d'Amazon o Google. Tamién ye una práctica conocida de les multinacionales el facer falsos contratos opacos de compraventa ente la sede y les sucursales de manera que namás tengan ganancies la primera y les segundes nun tengan que pagar impuestu nengún.
Esa identidá del propietariu que nun mos quieren cuntar ye tamién importante pa conocer la calidá del emplegu que se va crear. Ye política bien conocía de les multinacionales estaoxunidenses el nun querer saber nada de sindicatos y convenios colectivos. Lo d'elles ye la negociación individual de salarios y prestaciones con cada trabayadora. O seya, lo normal ye la indefensión de les trabayadores. Eso sobre la calidá. ¿Y la cantidá? Pues empezamos mal. Pa un centru de datos del tamañu del de Salas (120 MW) calcúlense unos 60 puestos de trabayu. Y si nun dicen la verdá colos puestos directos, ¿cómo creyer les cifres de puestos de trabayu indirectos y inducíos?
Vamos suponer que les creyamos. Nadie nun faló de cupos de trabayu pa los habitantes de Salas (o d'Asturies); tampoco de programes de formación pa que la población local pudiere acceder a un puestu de trabayu nel centru de datos. Tenemos que suponer, entós, que les trabayadores del futurible centru de datos van venir toes o casi toes de fuera. Tenemos que suponer tamién que va haber munches vecines de Salas con actividá agroganadera o de turismo rural que van tener qu'emigrar porque eses actividaes nun van ser compatibles col centru de datos en, polo menos, una superficie de 314 quilómetros cuadraos. Teniendo en cuenta qu'al polígonu de Nonaya Este-y falten 57.000 metros cuadraos pa poder instalar el centru de datos, les primeres que van tener qu'emigrar son les vecines d'alredor. Si tenemos en cuenta que nun ye aconseyable que viva naide a menos de 300 metros del centru de datos, les vecines que van tener qu'emigrar van ser unes cuantes más pol ruíu constante que va xenerar les 24 hores del día, los siete díes de la selmana.
Amás, del ruxíu constante d'un centru de datos tan grande como'l de Salas, tenemos la cuestión del consumu añal d'agua y lletricidá, que pue equivalir al d'una ciudá como Xixón. ¿La instalación d'esta infraestructura tendrá dalgo que ver, entós, col anunciu de Cadasa de que tenemos que reducir el consumu d'agua? Y sobre la lletricidá, la Comisión Europea acaba dicir que les alministraciones locales tienen que sovencionar a empreses electrointensives y centros de datos. Eso quier dicir que parte de la factura llétrica del centru de datos de Salas vamos tener que pagala les asturianes.
Esto llévanos a les perres y a les cifres macroeconómiques. En Riañu hai sucursales de multinacionales y yo tuvi conocimientu de cómo se fabriquen los presupuestos. Basándose na actividá pasada y na evolución del mercáu domésticu, el director operativu de la sucursal fai un presupuestu que diz lo qu'espera que se va ganar al exerciciu siguiente. La matriz n'Inglaterra, Australia o los Estaos Xuníos recibe esi presupuestu y, como quier que munchos inversionistes metan perres nel conglomeráu y xuba la cotización en bolsa, diz-y al director operativu de la sucursal en Riañu (y de les demás sucursales en tol mundu) qu'aumente les cifres de ganancies esperaes. Los inversionistes invierten, la cotización xube y los inversionistes reciben dividendos. ¿A quién-y importa que les cifres seyan falses?
Nun ye que nun-y vaya importar a naide que l'impactu nel PIB seya de 1.000 millones d'euros en vez de los cacarexaos 4.177. El casu ye qu'en 2050 naide se va alcordar de la cantidá que se pronosticó en 2027. Y si dalguién s'alcuerda, ¿a quién-y va reclamar? Amás, hai que recordar a la xente que'l PIB en realidá nun significa nada. Nada necesariamente bono. El PIB d'un territoriu o un país namás mide lo que pasa nesi territoriu o país si se pue cuantificar en dineru. Un incendiu –col so gastu n'árboles quemaos, sueldos de bomberos, material usao, etc.– produz un aumentu del PIB. Igual que dos coches que choquen o un muertu nel tanatoriu. Yá hai territorios en mundu onde sustituyeron el PIB por indicadores que miden el progresu de lo qu'importa de verdá: el bientar de les persones y la recuperación del entornu. La economía tien que valir pa meyorar la educación, la salú, l'alimentación, los cuidaos y les ocupaciones de les persones; pa tener unes tierres, unos ríos, una mar y un aire sanos. Eso ye lo qu'hai que midir y non una ferramienta como les perres, que se puen usar pa coses bones y útiles o pa coses males y inútiles como que los ricos seyan más ricos y los demás más probes.
P'acabar con tou esti baille de datos. El centru de datos de Salas va catalogase como PIER (proyectu d'interés estratéxicu). Eso quier dicir que nun va pasar per casi nengún control ambiental, económicu, fiscal o social. Los PIER tán convirtiéndose en ferramientes pa dar el control de los nuestros recursos a multinacionales a cambeu de prometer invertir un dineru y crear una cantidá de puestos de trabayu, ensin considerar nin les potencialidaes nin les necesidaes de la nuestra xente y del nuestru entornu. Llamar a eso proyectos estratéxicos ye una gran mentira. Ye una subasta de liquidación, un mendigar al preciu que seya. Ye una política económica neolliberal. PP y Vox tienen que tar aplaudiendo coles oreyes porque los sos amos, les multinacionales estaoxunidenses, son los grandes beneficiaos a costa de toles asturianes.
Dalguién tien que proponer futuros alternativos, futuros d'esperanza pa esti país asturianu. Neso tamos n'Aína, por eso esistimos, porque sabemos que los hai y que nenguna de les fuercies polítiques que se sienten na Xunta Xeneral d'Asturies tienen la imaxinación pa velos o la voluntá pa implementalos.
Asina que falemos de Salas y d'Asturies, con lluz y taquígrafos.
Tener qu'esplicar les coses tal como son ye canso. Lleva tiempu, tamién. Vas con una propuesta y la xente empieza a tener idees propies, una diferente a la otra. Y nenguna d'elles coincide cola tuya. Esto de la democracia y tomar decisiones toes xuntes ye una aburrición, ye más eficiente engañar. ¿Y cuála ye la meyor manera d'engañar? Cuntar la parte más guapa del cuentu y atapar lo demás.
Una cosa asina como lo que pasa col centru de datos de Salas.
¿Qué nos cuntaron d'esi centru de datos? Qu'una empresa va llantalu nun polígonu industrial a la vera'l ríu Nonaya; que se van invertir 1.226 millones d'euros; que va crear 3.000 puestos de trabayu de la que lu construyen d'equí a 2030; que nesi añu en pa delantre va cuntar con 120 puestos de trabayu directos, 962 indireutos y 236 inducíos; que va aportar 4.177 millones d'euros en 20 años al Productu Internu Brutu (PIB) d'Asturies; que va xenerar un retornu fiscal acumuláu p'Asturies de 753 millones d'euros (d'esos, 26,4 millones van dir a parar a les cuentes del conceyu de Salas); que va meter a Asturies al centru de la industria del futuru, la Intelixencia Artificial (IA).
Hai que ser babayu pa nun querer una cosa asina. Tocónos la llotería n'Asturies. ¿Qué más hai que pensar? Mio madre siempres me dixo que naide nun da pesetes a perrona. ¿Pero, qué pue saber mio madre de tecnoloxía y economía si ye una paisana de casi 85 años que nunca pasó de primaria? Dame qu'igual de tecnoloxía nun sabe muncho, pero sí tien muncho d'eso que casi nun queda nestos tiempos d'egoísmu individualista: sentíu común, d'esi que se tien en comunidá. Y el sentíu común diz que primero de mercar el burru hai que mira-y el dentame. Y esti burru, si abre la boca, güel a podre.
Pa empezar, “Digital Valley Asturias” ye'l pelleyu que se-y pon n'Asturies a un animal madrilanu que se llama “Digital Valley Spain”. Pero les dos coses namás son marques comerciales d'una empresa llamada “Sales for You Consulting” (S4U). Esta S4U (y les sos marques comerciales) nun son les dueñes del proyectu, namás son unos axentes inmobiliarios que van entregar les llaves del cosu ésti a los dueños verdaderos, que nun vamos conocer hasta'l día que se conecten a la rede llétrica y principien a operar. Como datu, valnos saber que “Digital Valley Spain” tien un capital social de 4.000 euros, un poco escasos pa los 1.226 millones d'euros d'inversión (supuestamente). La IA tien unes posibilidaes bárbares en medicina, por poner; si se pon a ello pue atopar la cura pal cáncanu. Pero los usos que tamos viendo más son los d'atochecenos en redes sociales, espianos y matar. Dicen que detrás de toa esta operación ta un fondu d'inversión de los Estaos Xuníos y eso ponnos más cerca d'esti escenariu últimu. ¿Taríemos a gustu si'l propietariu acaba usando los servidores del centru de datos de Salas pa la IA militar qu'asesina palestinos en Gaza?
Saber quién ye'l propietariu final verdaderu del centru de datos de Salas ye importante tamién pa conocer l'aportación fiscal real d'esti tipu d'empreses. Hai que dicir que les multinacionales estaoxunidenses cuenten col beneficiu d'una cláusula de “non doble imposición”; esto ye, que nun se-yos pue cobrar impuestos si yá los tán pagando nos Estaos Xuníos. Amás, munches tecnolóxiques n'Europa escueyen poner les sos sedes europees n'Irlanda, onde paguen unos impuestos mui baxos. Ye'l casu d'Amazon o Google. Tamién ye una práctica conocida de les multinacionales el facer falsos contratos opacos de compraventa ente la sede y les sucursales de manera que namás tengan ganancies la primera y les segundes nun tengan que pagar impuestu nengún.
Esa identidá del propietariu que nun mos quieren cuntar ye tamién importante pa conocer la calidá del emplegu que se va crear. Ye política bien conocía de les multinacionales estaoxunidenses el nun querer saber nada de sindicatos y convenios colectivos. Lo d'elles ye la negociación individual de salarios y prestaciones con cada trabayadora. O seya, lo normal ye la indefensión de les trabayadores. Eso sobre la calidá. ¿Y la cantidá? Pues empezamos mal. Pa un centru de datos del tamañu del de Salas (120 MW) calcúlense unos 60 puestos de trabayu. Y si nun dicen la verdá colos puestos directos, ¿cómo creyer les cifres de puestos de trabayu indirectos y inducíos?
Vamos suponer que les creyamos. Nadie nun faló de cupos de trabayu pa los habitantes de Salas (o d'Asturies); tampoco de programes de formación pa que la población local pudiere acceder a un puestu de trabayu nel centru de datos. Tenemos que suponer, entós, que les trabayadores del futurible centru de datos van venir toes o casi toes de fuera. Tenemos que suponer tamién que va haber munches vecines de Salas con actividá agroganadera o de turismo rural que van tener qu'emigrar porque eses actividaes nun van ser compatibles col centru de datos en, polo menos, una superficie de 314 quilómetros cuadraos. Teniendo en cuenta qu'al polígonu de Nonaya Este-y falten 57.000 metros cuadraos pa poder instalar el centru de datos, les primeres que van tener qu'emigrar son les vecines d'alredor. Si tenemos en cuenta que nun ye aconseyable que viva naide a menos de 300 metros del centru de datos, les vecines que van tener qu'emigrar van ser unes cuantes más pol ruíu constante que va xenerar les 24 hores del día, los siete díes de la selmana.
Amás, del ruxíu constante d'un centru de datos tan grande como'l de Salas, tenemos la cuestión del consumu añal d'agua y lletricidá, que pue equivalir al d'una ciudá como Xixón. ¿La instalación d'esta infraestructura tendrá dalgo que ver, entós, col anunciu de Cadasa de que tenemos que reducir el consumu d'agua? Y sobre la lletricidá, la Comisión Europea acaba dicir que les alministraciones locales tienen que sovencionar a empreses electrointensives y centros de datos. Eso quier dicir que parte de la factura llétrica del centru de datos de Salas vamos tener que pagala les asturianes.
Esto llévanos a les perres y a les cifres macroeconómiques. En Riañu hai sucursales de multinacionales y yo tuvi conocimientu de cómo se fabriquen los presupuestos. Basándose na actividá pasada y na evolución del mercáu domésticu, el director operativu de la sucursal fai un presupuestu que diz lo qu'espera que se va ganar al exerciciu siguiente. La matriz n'Inglaterra, Australia o los Estaos Xuníos recibe esi presupuestu y, como quier que munchos inversionistes metan perres nel conglomeráu y xuba la cotización en bolsa, diz-y al director operativu de la sucursal en Riañu (y de les demás sucursales en tol mundu) qu'aumente les cifres de ganancies esperaes. Los inversionistes invierten, la cotización xube y los inversionistes reciben dividendos. ¿A quién-y importa que les cifres seyan falses?
Nun ye que nun-y vaya importar a naide que l'impactu nel PIB seya de 1.000 millones d'euros en vez de los cacarexaos 4.177. El casu ye qu'en 2050 naide se va alcordar de la cantidá que se pronosticó en 2027. Y si dalguién s'alcuerda, ¿a quién-y va reclamar? Amás, hai que recordar a la xente que'l PIB en realidá nun significa nada. Nada necesariamente bono. El PIB d'un territoriu o un país namás mide lo que pasa nesi territoriu o país si se pue cuantificar en dineru. Un incendiu –col so gastu n'árboles quemaos, sueldos de bomberos, material usao, etc.– produz un aumentu del PIB. Igual que dos coches que choquen o un muertu nel tanatoriu. Yá hai territorios en mundu onde sustituyeron el PIB por indicadores que miden el progresu de lo qu'importa de verdá: el bientar de les persones y la recuperación del entornu. La economía tien que valir pa meyorar la educación, la salú, l'alimentación, los cuidaos y les ocupaciones de les persones; pa tener unes tierres, unos ríos, una mar y un aire sanos. Eso ye lo qu'hai que midir y non una ferramienta como les perres, que se puen usar pa coses bones y útiles o pa coses males y inútiles como que los ricos seyan más ricos y los demás más probes.
P'acabar con tou esti baille de datos. El centru de datos de Salas va catalogase como PIER (proyectu d'interés estratéxicu). Eso quier dicir que nun va pasar per casi nengún control ambiental, económicu, fiscal o social. Los PIER tán convirtiéndose en ferramientes pa dar el control de los nuestros recursos a multinacionales a cambeu de prometer invertir un dineru y crear una cantidá de puestos de trabayu, ensin considerar nin les potencialidaes nin les necesidaes de la nuestra xente y del nuestru entornu. Llamar a eso proyectos estratéxicos ye una gran mentira. Ye una subasta de liquidación, un mendigar al preciu que seya. Ye una política económica neolliberal. PP y Vox tienen que tar aplaudiendo coles oreyes porque los sos amos, les multinacionales estaoxunidenses, son los grandes beneficiaos a costa de toles asturianes.
Dalguién tien que proponer futuros alternativos, futuros d'esperanza pa esti país asturianu. Neso tamos n'Aína, por eso esistimos, porque sabemos que los hai y que nenguna de les fuercies polítiques que se sienten na Xunta Xeneral d'Asturies tienen la imaxinación pa velos o la voluntá pa implementalos.
Asina que falemos de Salas y d'Asturies, con lluz y taquígrafos.
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
Tolos mundos posibles
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
