Actualidá
normal
El Puerto de Gijón y FUNDEGO celebren el 19 de setiembre la segunda edición de la xornada deportiva y comunitaria 'Oeste en Juego'
Pretende promover los valores del deporte base y el so impactu na educación, la convivencia y la vida saludable
📷 puertogijon.es
15/09/2026 05:02
| REDAICIÓN
La segunda edición d'Oeste en Juego' vuelve a convertir la playa d'El Arbeyal, en Xixón, nun puntu d'alcuentru alredor de la práctica deportiva y los sos beneficios. La xornada, patrocinada pola Autoridad Portuaria de Gijón y entamada xunto a la Fundación Deportiva Gijón Oeste (FUNDEGO), va contar con una programación empobinada a averar a la ciudadanía les distintes disciplines deportives que desedolquen los clubes qu'integren la fundación: Calzada Rugby Club, Club Baloncesto L'Arbeyal, Club Balonmano La Calzada, Club Deportivo Judo La Calzada, Club Patín Solimar-Telecable Hockey, Club Rítmica Galaica y Club Voleibol La Calzada.
Estes siete entidaes axunten a más de 1.000 deportistes y desendolquen una importante actividá deportiva y social nos barrios del oeste de Xixón, informa Puerto de Gijón.
La implicación de l'Autoridad Portuaria nesta iniciativa enmárcase nel so compromisu d'abrir el puertu a la ciudadanía y, especialmente, a los barrios de la so rodiada más próxima. “Consideremos qu'ún de los meyores caminos pa consiguilo ye sofitando a les entidaes que promueven los valores del deporte base y el so impactu na educación, la convivencia y la vida saludable; nesti sentíu, el trabayu que realicen los siete clubes qu'integren FUNDEGO allíniase perfectamente con esti oxetivu”, señaló la presidenta de l'Autoridad Portuaria de Gijón, Nieves Roqueñí.
Mientres la xornada, que se va celebrase na Playa del Arbeyal ente les 10 y les 14:00 hores, los asistentes van poder presenciar distintes exhibiciones y participar nes distintes disciplines deportives representaes polos clubes. Amás, toes aquelles persones que completen el percorríu pelos siete espacios deportivos van recibir una camiseta producida pa la ocasión y van poder acceder a sorteos de materiales y otres iniciatives previstes a lo llargo la mañana.
'Oeste en Juego' va contar nesta segunda edición cola collaboración de la Direición Xeneral de Deportes del Principáu d'Asturies, el Conceyu de Xixón, Caja Rural de Asturias y el Club Natación Santa Olaya.
Estes siete entidaes axunten a más de 1.000 deportistes y desendolquen una importante actividá deportiva y social nos barrios del oeste de Xixón, informa Puerto de Gijón.
La implicación de l'Autoridad Portuaria nesta iniciativa enmárcase nel so compromisu d'abrir el puertu a la ciudadanía y, especialmente, a los barrios de la so rodiada más próxima. “Consideremos qu'ún de los meyores caminos pa consiguilo ye sofitando a les entidaes que promueven los valores del deporte base y el so impactu na educación, la convivencia y la vida saludable; nesti sentíu, el trabayu que realicen los siete clubes qu'integren FUNDEGO allíniase perfectamente con esti oxetivu”, señaló la presidenta de l'Autoridad Portuaria de Gijón, Nieves Roqueñí.
Mientres la xornada, que se va celebrase na Playa del Arbeyal ente les 10 y les 14:00 hores, los asistentes van poder presenciar distintes exhibiciones y participar nes distintes disciplines deportives representaes polos clubes. Amás, toes aquelles persones que completen el percorríu pelos siete espacios deportivos van recibir una camiseta producida pa la ocasión y van poder acceder a sorteos de materiales y otres iniciatives previstes a lo llargo la mañana.
'Oeste en Juego' va contar nesta segunda edición cola collaboración de la Direición Xeneral de Deportes del Principáu d'Asturies, el Conceyu de Xixón, Caja Rural de Asturias y el Club Natación Santa Olaya.
Opinión
19/09/2026 05:10
Tolos mundos posiblesFíos de cualquier madre, normal
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
