Mundu
normal
Decenes de muertos al chocar dos trenes d'alta velocidá en Toledo
Un grave accidente na llinia Madrid-Andalucía dexa numberoses víctimes y abre una investigación
📷 @guardiacivil
28/10/2026 13:46
| REDAICIÓN
Casi 30 persones muertes y numberoses resultaron firíes tres el choque de dos trenes d'alta velocidá na contorna d'Urda, na provincia de Toledo. L'accidente prodúxose alredor de les 8:54 hores, cuando un AVE de Renfe algamó per darrera a un convói d'Iryo que s'atopaba deteníu na vía. En dambos trenes viaxaben unes 544 persones. La violencia del impautu provocó l'escarrilamientu de dellos vagones, dos de los cualos cayeron por un terremplén. Los servicios d'emerxencia esplegaron un ampliu dispositivu de rescate, mientres la circulación ferroviaria ente Madrid y Andalucía quedó atayada. El balance de víctimes sigue siendo provisional.
Les causes del accidente inda nun se determinaron. Les primeres hipótesis apunten a una posible combinación de problemes téunicos y fallos humanos na xestión de la circulación ferroviaria. Según informaciones atribuyíes a fontes gubernamentales, una avería nel sistema principal de señalización LZB obligaría a usar un sistema alternativu de control. Neses circunstancies, investígase si pudo autorizase indebidamente la marcha de l'AVE cuando'l tren d'Iryo permanecía deteníu. Enagora, nun s'afitó aínda si esistió un fallu humanu, un fallu de los mecanismos de seguridá o una combinación de circunstancies. El ministru de Tresportes, Óscar Puente, informó en X de la so presencia nel centru de control: «Nel centru de control H24 dende 9:40 tratando de llograr tola información dable de lo asocedío».
enlace
Ente los pasaxeros del tren Iryo atopábase la exministra española d'Empléu y Seguridá Social del Partíu Popular Fátima Báñez, anguaño presidenta de la Fundación CEOE. La so presencia nel convói foi confirmada pola organización empresarial, que comunicó públicamente la so esmolición énte la imposibilidá de contautar con ella. Tanto la so redolada como'l Partíu Popular desconocíen la so situación a primer hora de la tardi, ensin qu'esistiera confirmación sobro'l so estáu de salú. Mientres siguen les xeres d'atención a les víctimes y d'identificación de los afeutaos, l'accidente volvió asitiar nel centru del alderique la seguridá de la rede ferroviaria española y los protocolos aplicaos cuando fallen los sistemes automáticos de proteición.
Les causes del accidente inda nun se determinaron. Les primeres hipótesis apunten a una posible combinación de problemes téunicos y fallos humanos na xestión de la circulación ferroviaria. Según informaciones atribuyíes a fontes gubernamentales, una avería nel sistema principal de señalización LZB obligaría a usar un sistema alternativu de control. Neses circunstancies, investígase si pudo autorizase indebidamente la marcha de l'AVE cuando'l tren d'Iryo permanecía deteníu. Enagora, nun s'afitó aínda si esistió un fallu humanu, un fallu de los mecanismos de seguridá o una combinación de circunstancies. El ministru de Tresportes, Óscar Puente, informó en X de la so presencia nel centru de control: «Nel centru de control H24 dende 9:40 tratando de llograr tola información dable de lo asocedío».
enlace
Ente los pasaxeros del tren Iryo atopábase la exministra española d'Empléu y Seguridá Social del Partíu Popular Fátima Báñez, anguaño presidenta de la Fundación CEOE. La so presencia nel convói foi confirmada pola organización empresarial, que comunicó públicamente la so esmolición énte la imposibilidá de contautar con ella. Tanto la so redolada como'l Partíu Popular desconocíen la so situación a primer hora de la tardi, ensin qu'esistiera confirmación sobro'l so estáu de salú. Mientres siguen les xeres d'atención a les víctimes y d'identificación de los afeutaos, l'accidente volvió asitiar nel centru del alderique la seguridá de la rede ferroviaria española y los protocolos aplicaos cuando fallen los sistemes automáticos de proteición.
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
