La cabaña ganadera asturiana ta llibre de tuberculosis

Asturies caltién l'estatus de comunidá llibre de tuberculosis bovina, acordies colos datos correspondientes a los programes d'erradicación y control d'enfermedaes animales. Pa caltener esta calificación y la salú de la cabaña ganadera, el Gobiernu del Principáu decidió suprimir el protocolu de flexibilización nel conceyu de Salas, onde se constató una prevalencia superior al 1%.

El conseyeru de Mediu Rural y Política Agraria, Marcelino Marcos, presentó a les organizaciones agraries URA, UCA, USAGA y COAG la memoria correspondiente a 2025, que fai balance del estáu sanitariu de la cabaña ganadera y recueye les midíes adoptaes frente a los principales riesgos epidemiolóxicos, informa'l Principáu d'Asturies.