Los pasaxeros d'un cruceru afectáu por un biltu d'hantavirus van camín de Canaries dende Arxentina

Hai un cruceru que va dende Arxentina a Canaries que tien seis afectaos por una enfermedá respiratoria. Hasta agora, fallecieron tres persones contaxaes. El barcu, que tien alredor de 150 persones y unes 10 d'elles son de nacionalidá española, fizo escala en Sudáfrica, onde se realizaron análisis y ún de los cadabres dio positivo n'hantavirus. Cabu Verde denegó atracar a la embarcación por seguridá nacional.

L'hantavirus ye un virus patóxenu emerxente nes últimes décades. Causa dos enfermedaes humanes distintes: fiebre hemorráxico con síndrome renal y síndrome pulmonar humanu.

El principal reservoriu natural d'hantavirus son los royedores múridos, anque numberosos estudios reportaron infecciones por hantavirus n'otres especies animales, por casu, en ganáu vacuno, alces, gatos, perros, etc. Los humanos nun formen parte del rangu d'hospedadores naturales de los hantavirus, y la infeición produzse al traviés d'escreciones de royedores que contienen el virus, como orina, heces o cuspia, que s'atopen n'aerosol.

Los informes sobro entidaes clíniques posiblemente causaes por hantavirus en China ya Inglaterra remonten al primer mileniu y a la Edá Media, respectivamente. Sicasí, nun foi hasta 1951-1953, mientres la Guerra de Corea, que los hantavirus captaron l'atención mundial. Más de 3.000 soldaos de les Naciones Xuníes y d'Estaos Xuníos sufrieron una enfermedá febril aguda con insuficiencia renal aguda, shock y una tasa de mortalidá del 7% cerca d'un pequeñu ríu llamáu Hantaan. L'axente causal, el virus Hantaan (HTNV), identificólu Lee et al., en 1978. Hasta agora, describiéronse 21 especies distintes d'hantavirus y caracterizáronse más de 30 xenotipos que s'atopen en tol mundu.

Más información: Muranyi, W., Bahr, U., Zeier, M., & van der Woude, F. J. (2005). Hantavirus infection. Journal of the American Society of Nephrology, 16(12), 3669-3679.