¿Cómo protexer los güeyos nel clis solar d'agostu?

Un clis solar ye un fenómenu astronómicu que pasa cuando la Lluna se pon ente la Tierra y el Sol, tapando dafechu o en parte la lluz solar sobre dalgunos llugares del planeta. Hai clises totales, parciales y anulares, dependiendo de cómo s'allinien los tres cuerpos celestes. El próximu eclipse solar visible dende buena parte d'Europa y mui especialmente la península ibérica y Asturies va ser el próximu 12 d'agostu.

Pa mirar un clis solar hai que tener muncha precaución, porque mirar direutamente al Sol puede causar daños graves nos güeyos. Ye importante usar gafes especiales homologaes pa clises yá que nun valen gafes de sol normales. Puen usase tamién métodos indireutos, como proyeutar la imaxe del Sol nun papel. Hai que refugar l'usu de prismáticos, telescopios o cámares ensin filtros solares afayadizos, porque concentren la lluz y aumenten inda más el peligru na esposición.

Llea más información sobre cómo protexer los güeyos y disfrutar del clis solar na web del Ministerio de Ciencia, Innovación y Universidades.