Manifestación pol derechu a la vivienda'l 6 de xunu en Xixón

Ta convocada pal sábadu 6 de xunu con salida na Plaza del Humedal de Xixón a les 12 hores, col llema "La vivienda nos cuesta la vida, su negocio, nuestra ruina", dientro d'una movilización que se fai a nivel estatal promovida principalmente por Sindicatu d'Inquilinos y el Sindicatu de Vivienda d'Asturies.

Col güeyu puestu na subida de los precios de los alquileres y les viviendes por mor de la turistificación illegal que ta llegando a Asturies, la manifestación convócase pa desixir nueves regulaciones que garanticen l'accesu a la vivienda.

Yá mostraron el so sofitu a la convocatoria n'Asturies entidaes como AMA Asturies o la Federación d'Asociaciones Vecinales de Xixón.