Consulte la programación completa de la X Feria del Llibru de Xixón (FeLiX) qu'arranca esti miércoles 17 de xunu

La décima edición de FeLiX va esplegar nel Paséu de Begoña, la cai Tomás y Valiente, el Centru de Cultura Antiguu Institutu, l'Antigua Escuela de Comerciu, la carpa Atalaya (Zona Joven) y la carpa Alborá (Felixina) una potente axenda cultural que va acompañar a les 92 casetes y 98 espositores presentes. La feria, que va cuntar cola participación de 29 llibreríes xixoneses y 69 editoriales llocales y foranes, va tar abierta al públicu dende'l próximu miércoles 17 al domingu 21 de xunu.

Entamada pola Fundación Municipal de Cultura, Educación y Universidá Popular de Xixón al traviés de la so Rede Municipal de Biblioteques y cola dirección lliteraria de Jaime Priede, convierte la ciudá nun gran espaciu abiertu d'alcuentru lliterariu. Esta Rede de Biblioteques lleva a cabu una gran llabor de fomentu de la llectura mientres tol añu, cola organización d'actividaes qu'ayuden positivamente al fomentu del vezu llector de los ciudadanos/es.

Pelos distintos espacios de la feria van pasar nomes de la talla del Premiu Alfaguara 2026 David Toscana, Martín Caparrós, Remedios Zafra, Lucía Solla Sobral, Nevenka Fernández, Sara Barquinero, Bibiana Collada, Juan Manuel Gil, Marcos Giralt Riega, Rosario Villajos, Aroa Moreno, Marta San Miguel o Roger Mateos. Tampoco va faltar talentu de proximidá como Aitana Castaño y l'ilustrador Alfonso Zapico, o l'humor gráficu de la mano de Joaquín Pajarón y Julio Rey.

Descague'l programa completu nesti enllaz.