El Conceyu d'Avilés va ameyorar y renaturalizar los caminos peatonales del parque de La Madalena

El Conceyu d'Avilés va ameyorar y renaturalizar los caminos peatonales del parque de La Madalena, una de les principales zones verdes del conceyu. L'actuación enmárcase na execución del Plan de Actuación Integrado (PAI) 'Avilés La Carriona en Movimiento', financiáu con fondos FEDER, al traviés del Plan EDIL (Planes de Actuación Integrados de Entidaees Locales).

L'oxetivu d'esta actuación, según la web del Conceyu d'Avilés, ye impulsar l'atractivu del parque como percorríu de movilidá activa y como espaciu estancial de convivencia, dau'l so calter de puntu d'alcuentru y espaciu de conexón peatonal ente distintos barrios d'Avilés. Pa ello van ameyor y renaturalizar los caminos col fin de facelos más accesibles pa toles persones usuaries.

Anguaño, el parque presenta delles carencies en cuanto al estáu del pavimentu d'estos itinerarios en determinaos puntos, de resultes de la erosión, los güelpes y el xorrecimientu de los raigaños de los árboles. Coles mesmes, esisten tramos con pendientes superiores a les máximes permitíes en materia d'accesibilidá, lo que dificulta y, en dellos casos, torga'l so usu.

Amplíe la información nesti enllaz.