Aruelu
normal
L'Arcón la Finestrá, un güeyu a la guapura de Llaviana
La ruta dexa asomase a una de les formaciones naturales más espectaculares del centru'l país
📷 Sitomon, CC BY-SA 2.5.
04/06/2026 07:07
| REDAICIÓN
Nel macizu de Peña Mea, ente Llaviana y Ayer, írguese una xigante ventana de piedra: L'Arcón la Finestrá.
La imaxe impresiona al visitante. Un gran arcu natural fura la roca caliar y enmarca'l paisaxe como si'l monte abriera un balcón escontra los valles. Ye ún d'esos llugares que despliquen por qué'l monte asturianu nun precisa grandes altitúes pa ufiertar escenes memorables.
La ruta más habitual dende Llaviana parte de la zona de Les Campes, percima de La Pola Llaviana, y xube entre pistes, praderíes y senderos hasta la Coḷḷada Peḷḷuno, enantes d'encarar la Canal de les Cueves, el tramu más desixente. La escursión nun ye descomanadamente llarga, pero sí dura: el desnivel nótase, la rimada acentúase a la fin y el terrén pue tar húmedu o resbalizu. Por eso, nun ye una ruta recomendable pa neños pequeños; pue ser válida pa menores yá avezaos a caminar pel monte, siempres con bon tiempu, calzáu afayadizu y muncha prudencia.
L'Arcón la Finestrá débe-y la so forma a la naturaleza caliar de Peña Mea. Mientres miles d'años, esti material permaneció baxo la superficie del agua marino sufriendo diferentes procesos que dieron pasu a la creación de galeríes soterrañes. La elevación a la atmósfera y la erosión caliar combayó posteriormente pa la ellaboración d'esti símbolu anular. L'Ercu, como tamién se llama, nun ye una construcción humana nin una cueva artificial, sinón la resultancia sele y callada de los procesos xeolóxicos sobre un material porosu.
Quien llegue hasta ellí va atopar una ruta d'aruelu y natura, pero tamién una pequeña lleición de xeoloxía al aire llibre. La recompensa ta na propia ventana, nes vistes y na sensación de tar énte una formación única. Pa los qu'aínda tengan fuerces, la ruta pue siguir hasta la cume del Peña Mea; pa otros, algamar L'Arcón la Finestrá yá va ser una meta más que suficiente.
La imaxe impresiona al visitante. Un gran arcu natural fura la roca caliar y enmarca'l paisaxe como si'l monte abriera un balcón escontra los valles. Ye ún d'esos llugares que despliquen por qué'l monte asturianu nun precisa grandes altitúes pa ufiertar escenes memorables.
La ruta más habitual dende Llaviana parte de la zona de Les Campes, percima de La Pola Llaviana, y xube entre pistes, praderíes y senderos hasta la Coḷḷada Peḷḷuno, enantes d'encarar la Canal de les Cueves, el tramu más desixente. La escursión nun ye descomanadamente llarga, pero sí dura: el desnivel nótase, la rimada acentúase a la fin y el terrén pue tar húmedu o resbalizu. Por eso, nun ye una ruta recomendable pa neños pequeños; pue ser válida pa menores yá avezaos a caminar pel monte, siempres con bon tiempu, calzáu afayadizu y muncha prudencia.
L'Arcón la Finestrá débe-y la so forma a la naturaleza caliar de Peña Mea. Mientres miles d'años, esti material permaneció baxo la superficie del agua marino sufriendo diferentes procesos que dieron pasu a la creación de galeríes soterrañes. La elevación a la atmósfera y la erosión caliar combayó posteriormente pa la ellaboración d'esti símbolu anular. L'Ercu, como tamién se llama, nun ye una construcción humana nin una cueva artificial, sinón la resultancia sele y callada de los procesos xeolóxicos sobre un material porosu.
Quien llegue hasta ellí va atopar una ruta d'aruelu y natura, pero tamién una pequeña lleición de xeoloxía al aire llibre. La recompensa ta na propia ventana, nes vistes y na sensación de tar énte una formación única. Pa los qu'aínda tengan fuerces, la ruta pue siguir hasta la cume del Peña Mea; pa otros, algamar L'Arcón la Finestrá yá va ser una meta más que suficiente.
Opinión
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
30/03/2026 14:21
Les coses pasaes, les que vienen, y les que tendríen de venir yá
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
