El Movimientu 25 de Mayu entama un homenaxe a José Caveda y Nava'l próximu 11 de xunu

El próximu 11 de xunu, a les 12:30 hores, l'asociación Movimientu 25 de Mayu (M25M) entama en Villaviciosa, xunto con La Compaña del Ronchel, un actu n'homenaxe a José Caveda y Nava. L'actu, que se convoca na Casa Natal allugada na cai del Agua, va cuntar cola intervención d'Alejandro Vega Riego, alcalde de Villaviciosa, y José Ramón García Fernández, Monchu'l cura.

El M25M informa na so páxina web que ye un piñu d'homes y muyeres d'Asturies, tresversal, participativu, abiertu ya independiente de partíos, empreses ya instituciones. Nel so manifiestu apuesten por una reforma estatutaria que reconoza Asturies como nacionalidá histórica, que se reconozan les llingües d'Asturies y los derechos de los falantes, una estratexa integral, teunolóxica y enerxética p'Asturies y, ente otros, un sistema educativu al serviciu de la inserción llaboral y la investigación.