Cultura
normal
ENTREVISTAFernán Morán, presidente de la Lliga Celta d'Asturies: "Astur ye un vocablu qu'apurre'l mundu romanu"
L'asociación desendolca añalmente varies xeres y eventos, atopándose ente ellos la espublización de la revista ASTOR
📷 Fernán Morán
12/06/2026 05:10
| REDAICIÓN
La Lliga Celta d'Asturies (LCA) ye una asociación que nació énte la necesidá de caltriar nel estudiu y na conocencia de los raigaños celtes de la cultura asturiana. Güei falamos con Fernán Morán (Uviéu, 1971), presidente de la LCA dende l'añu 2015.
¿El pueblu astur formaba parte del mundu celta o yera una cultura anterior?
Bono… lo primero que tenemos que tener en cunta ye que “astur” ye un vocablu qu'apurre'l mundu romanu. Cómo los pueblos o tribus que configuraben lo que Roma dio en nomar Conventum Asturicense creáu por Octavio Augusto dempués de finar por dominanos acullá pel sieglu I e.C. ye un misteriu, nun podemos sabelo con certeza porque nós yéramos ágrafos o, polo menos, entá nun s'atoparon resclavos de la nuesa escritura indíxena; o atopáronse y nun sabemos lleelos. Namái hai ciertes idegues que mos vienen pola epigrafía romana y la toponimia.
Llueu tenemos que definir qué ye ser celta, y nun ye daqué fácil. Pa la mio idega, “celta” ye un conceptu dinámicu y etnocultural. Desplícome, ye dinámicu porque dende la primera vegada qu'un griegu nomó “keltoi” a otru ser humanu a güei, el conceptu de “celta” pasó por delles aceiciones dependiendo del contestu hestóricu y la disciplina dende la que s'aborda la so definición. Y ye etnocultural porque sabemos que los celtes foron, y son, un conxuntu de grupos humanos que compartíen dalgunos rasgos culturales (panteón, viviendes de planta circular en recintos más o menos fortificaos, dominiu de la metalurxa y la orfebrería, ciertu tipu d'organización social y l'usu d'una llingua celta), homoxéneos.
Nesti sen, al mio xuiciu, Asturies perteneció y pertenez al mundiu celta tal y como lu conocemos al traviés de les fontes clásiques, l'arqueoloxía, la historia, l'antropoloxía, la etnografía, la mitoloxía, la llingüística y la xenética pente otres disciplines.
¿Qué podemos constatar na actual cultura asturiana como herencia celta indiscutible?
Pa decatanos de lo qu'hai anguaño na Asturies actual definío como celta tenemos que saber qué hebo y qué s'atopó n'Asturies celta. Pa esto hai que recurrir a delles disciplines: arqueoloxía, historia, antropoloxía, etnografía, mitoloxía, filoloxía y xenética.
L'arqueoloxía fálanos de pueblos que teníen una cultura material asemeyada a la cultura material d'otros pueblos consideraos celtes polos grecorromanos (galos, lepónticos, ligures, gálates, celtíberos, etc.). Los restos atopaos en xacimientos prerromanos astures amuesen un conxuntu de preseos asimilables a la cultura de La Tène como metalurxa (cascos, puñales, puntes de llances y hachos bicéfalos), orfebrería (diademes/petrines, arracaes, peñes, fíbules y torqueses), cerámiques (vasos campaniformes), abalorios, etc.
L'arqueoloxía descúbrenos tamién que los llugares d'habitamientu, les cabanes de planta circular o ovoides dientro de recintos fortificaos, son idéntiques a les que pueden atopase en tol mundiu célticu européu.
La epigrafía y la toponimia yá de dómina romana fálanos d'onomástica celta, toponimia céltica y deidaes llocales venceyaes al panteón célticu continental ya insular (Lug, Belennos, Cossuo, Taranis, Nimmedus -Nemeton-, Deva, Navia, Onna… etc.).
Y la etnografía xunto a l'antropoloxía, fálanos d'un conxuntu de festividaes, vezos, ritos y tradiciones netamente venceyaes al mundiu celta, dalgunos dellos cristianizaos, pero non por eso menos celtes: Nueche d'Animes (Samhain), San Xuan (Beltaine), Candelaria (Imbolc), Santiago (Lugnasad), Mazcaraes d'Iviernu, etc.
Si a eso-y amestamos un folclor que ta venceyáu direutamente col de les naciones y rexones celtes del Arcu Atlánticu, de fechu, Asturies participa en dellos festivales internacionales de muncho pesu: An Oriant, Celtic Connections, Ortigueira… etc.; poco hai que cavilgar pa decatase del sustratu etnocultural más abondosu del nuesu país.
Otru aspeutu perimportante ye'l nome, Asturies, bien pudiera ser una llatinización d'un vocablu celta nuestru, o, polo menos, de delles fasteres o tribus indíxenes del conventum. Desplícome, una de les desplicaciones de la etimoloxía d'Asturies, ye que bien pudiera venir del raigón celta *Stour (Arias, 1984) y la so deriva bien pudo ser: Stour > stur > stura > astura > astur(i)a(s). El raigón *Stour significa “ríu” o “corriente d'agua”, lo que tien sentíu si los habitantes de la fastera del ríu Astura se nomaben a sigo mesmos dalgo asemeyao y, por razones que nun conocemos, Roma aplicólu a les tribus indíxenes de tol conventum.
Anguañu caltenemos viva una cultura celta puxante, viva y acaldía más fuerte.
¿Establez la Lliga Celta d'Asturies dalgún tipu de venceyos con otros territorios celtes?
Ensin dulda, de fechu, ye ún de los nuesos oxetivos al que-y dedicamos más enfotu. Agora mesmo caltenemos contautos con otres organizaciones intercéltiques del Arcu Atlánticu como: Celtic Nation Kernow, Transceltic, Pan-Keltic Alliance, International Celtic League. Liga Celta Cántabra, Conceyu Celta Lleonés. Celtic Australia y con varios festivales. Delles vegaes son contactos calteníos nel tiempu y n'otres ocasiones son contactos esporádicos pero siempres intentamos caltener contactos con otres organizaciones col envís d'afitar nuedos de xermandía pente'l nuesu país y otres naciones o rexones celtes.
Ún de los nuesos oxetivos ye afitar Asturies como merez nel ámbitu de la Celtia Atlántica, esto permite contactar con otres organizaciones ya instituciones pancéltiques o intercéltiques p'amosa-yos qu'Asturies perdió la llingua celta de so, pero caltién mui vivos dellos factores socioculturales netamente celtes.
La cultura celta nun se ceñía al norte ibéricu, yera tamién parte del centru. D'esti mou, ha autores que dicen que más que península ibérica debía ser península celtibérica. ¿Qué-y paez esta reflexón?
Bono, ye una cuestión de nominalismu puru, esiste un alderique qu'intenta argumentar a favor o escontra que los celtes de la mal nomada península ibérica son los celtíberos -sobre too porque la única llingua celta de la qu'esisten fragmentos escritos na península.
Otros autores argumenten que'l vocablu “celtíberu” vien de la mestura pente la cultura íbera y la celta ya que la tribu celtíbera escribía con alfabetu íberu. Tal y como yo atalanto la península ibérica a nivel protohestóricu, entiendo que la ribera mediterránea yera evidentemente íbera y los otros dos tercios, ye dicir, la meseta y tola contorna atlántica de la península yeren mayoritariamente celtes, siendo los celtíberos una de les tribus celtes de la fastera celta de la península.
¿Influyeron los celtíberos a tribus de la meseta y la cornisa cantábrica? Dende llueu, de fechu hai evidencies d'ello. Lo que tamién ta nidio ye que nel suroeste de l'actual Asturies diose una llingua protocéltica lo que mos diz que nel territoriu de la vieya Asturia falábense llingües celtes que nun yeren necesariamente celtibéricu, anque pola redolada oriental de l'actual Asturies se constate esa influencia celtibérica. En cualquier casu, ye lo de menos, astúricu, protocélticu o celtíberu, tamos falando de llingües celtes venceyaes a una cultura netamente celta.
Yo nomaría la península de “península céltica” más qu'ibérica.
¿Qué actividá desendolca la Lliga Celta d'Asturies?
La Lliga Celta d'Asturies ye una organización interceltista asturiana ensin porgüeyu que trabaya col principal enfotu n'afitar a Asturies como nación celta na Celtia Atlántica y, a la mesma vegada, defender, promover y esparder la cultura asturiana en tola so dimensión, tanto dientro de lo que ye la sociedá asturiana como n'otres rexones o países foriatos.
Pa llevar a cabu estos oxetivos, desendolcamos delles actividades:
- Un trabayu importante d'espardimientu de la cultura y el patrimoniu asturianu y d'otres naciones celtes del Arcu Atlánticu y continentales.
- Intervenciones socioeducatives (charres, talleres, xuegos, etc.), en centros educativos d'educación primaria y secundaria pel tol país.
- Entamamos esposiciones de semeyes; de vestimenta, preseos y panoplia de la Edá del Fierru n'Asturia.
- Entamamos conferencies, seminarios y visites guiaes per espertos/es a llugares d'especial interés (xacimientos arqueolóxicos, museos, espacios naturales, etc.)
- Collaboramos con dellos festivales intercélticos asturianos: Feltival Intercélticu d'Avilés y Comarca, Festival Internacional de Gaita Villa de Xixón, etc., entamando actividades diverses.
- Caltenemos contautos con organizaciones e instituciones d'otres naciones celtes. Nesi sen, tamién entamamos n'alcuentros interculturales.
- Dende un puntu de vista académicu asoleyamos el cartafueyu ASTOR, que cunta con artículos d'espertos/es nacionales o internacionales en dellos temes: llingüística, arqueoloxía, historia, etnografía, celtismu, etc.
- Y tolo que puea surdir.
Dende l'asociación publiquen la revista ASTOR. Cómo la definiría y qué espaciu cubre.
El cartafueyu ASTOR, surde nel añu 1981 y con dellos parones y muncha dificultá sobrevivió hasta güei.
Pretende ser una revista académica na qu'espertos nacionales ya internacionales apurran los sos artículos venceyaos a los principales temes que tratamos nel cartafueyu: arqueoloxía, historia, celtismu, llingüística, etnografía, teoloxía, mitoloxía, musicoloxía, arquitectura, etc. De fechu, tien una calidá tala, qu'hai dalgún artículu de la nuesa revista nel corpus del CSIC.
El cartafueyu tien una periodicidá añal, anque nun siempres podemos falar de feches fixes porque tol cartafueyu ta fechu por persones que trabayen de mou altruista nel so tiempu llibre y nun siempres too sopla a favor… pero siempres finamos asoleyándolu! Por tantu, el cartafueyu, pese a la so calidá, ye de baldre, namái hai que descargalu en PDF y lleelu.
Otra de les razones poles que lu facemos dixital ye pola facilidá del so espardimientu porque ta asoleyáu en tres idiomes (asturianu o eonaviegu, español ya inglés) y cualesquier persona en cualesquier llugar del mundiu nun tien más que descargalu col so móvil y lleelu.
Tamién ta presente la cuestión medioambiental, que seya dixital, fae que la buelga de carbonu, forestal y enerxética seya cuasi nula. Convidámosvos a descargalu y lleelu, creyemos que va prestavos.
¿Qué-y encamentaría a la sociedá asturiana del futuru?
Asturies ye más qu'un paisaxe, más qu'una memoria o una tradición: ye una forma de sintir, de falar, de vivir. Ye una identidá construyida a lo llargo de sieglos, tresmitida de xeneración en xeneración, que güei s'enfrenta a un retu silenciosu pero constante: la uniformización cultural derivada de la globalización.
Nun se trata de negar el mundiu nin de dar la espalda al progresu, si non de defender con arguyu lo que nos fai únicos. La cultura asturiana —la llingua, la música, el folclor, les costumes, la nuesa historia, la nuesa cosmovisión— precisa voces que la sigan calteniendo viva.
Dende la Lliga Celta d'Asturies, facemos un llamamientu sinceru y abiertu a tola sociedá asturiana. Queremos sumar voluntaes, idees y enerxía pa la defensa y promoción de la nuesa identidá. Nun buscamos espertos/es nin especialistes: buscamos persones comprometíes, con ganes de participar, d'aportar y d'aprender. Cada pequeña aición suma, cada mano cunta.
Si tienes más de 18 años, pues formar parte d'esta comunidá. Nun importa la to formación nin la to esperiencia: lo único imprescindible ye la to disposición. Con una cuota añal de 20€, contribuyes non solo al sofitu de les actividaes culturales que desendolcamos, si non tamién a garantizar que les futures xeneraciones puedan siguir sintiéndose parte d'Asturies.
Participar significa formar parte d'iniciatives culturales, collaborar n'eventos, aidar na difusión del patrimoniu, compartir tradición y, sobre too, fortalecer el sentimientu de pertenencia. Significa, en definitiva, ser protagonista de la continuidá de la nuestra cultura ya identidá.
Nun dexemos que la priesa del mundu actual diluya lo que somos. La identidá nun se pierde de güelpe: dilse adulces cuando se dexa d'ateclar. Agora más que nunca, ye'l momentu d'actuar. Asturies necesita de la so xente y la LCA necesita xente qu'andeche con nós.
¿El pueblu astur formaba parte del mundu celta o yera una cultura anterior?
Bono… lo primero que tenemos que tener en cunta ye que “astur” ye un vocablu qu'apurre'l mundu romanu. Cómo los pueblos o tribus que configuraben lo que Roma dio en nomar Conventum Asturicense creáu por Octavio Augusto dempués de finar por dominanos acullá pel sieglu I e.C. ye un misteriu, nun podemos sabelo con certeza porque nós yéramos ágrafos o, polo menos, entá nun s'atoparon resclavos de la nuesa escritura indíxena; o atopáronse y nun sabemos lleelos. Namái hai ciertes idegues que mos vienen pola epigrafía romana y la toponimia.
Llueu tenemos que definir qué ye ser celta, y nun ye daqué fácil. Pa la mio idega, “celta” ye un conceptu dinámicu y etnocultural. Desplícome, ye dinámicu porque dende la primera vegada qu'un griegu nomó “keltoi” a otru ser humanu a güei, el conceptu de “celta” pasó por delles aceiciones dependiendo del contestu hestóricu y la disciplina dende la que s'aborda la so definición. Y ye etnocultural porque sabemos que los celtes foron, y son, un conxuntu de grupos humanos que compartíen dalgunos rasgos culturales (panteón, viviendes de planta circular en recintos más o menos fortificaos, dominiu de la metalurxa y la orfebrería, ciertu tipu d'organización social y l'usu d'una llingua celta), homoxéneos.
Nesti sen, al mio xuiciu, Asturies perteneció y pertenez al mundiu celta tal y como lu conocemos al traviés de les fontes clásiques, l'arqueoloxía, la historia, l'antropoloxía, la etnografía, la mitoloxía, la llingüística y la xenética pente otres disciplines.
¿Qué podemos constatar na actual cultura asturiana como herencia celta indiscutible?
Pa decatanos de lo qu'hai anguaño na Asturies actual definío como celta tenemos que saber qué hebo y qué s'atopó n'Asturies celta. Pa esto hai que recurrir a delles disciplines: arqueoloxía, historia, antropoloxía, etnografía, mitoloxía, filoloxía y xenética.
L'arqueoloxía fálanos de pueblos que teníen una cultura material asemeyada a la cultura material d'otros pueblos consideraos celtes polos grecorromanos (galos, lepónticos, ligures, gálates, celtíberos, etc.). Los restos atopaos en xacimientos prerromanos astures amuesen un conxuntu de preseos asimilables a la cultura de La Tène como metalurxa (cascos, puñales, puntes de llances y hachos bicéfalos), orfebrería (diademes/petrines, arracaes, peñes, fíbules y torqueses), cerámiques (vasos campaniformes), abalorios, etc.
L'arqueoloxía descúbrenos tamién que los llugares d'habitamientu, les cabanes de planta circular o ovoides dientro de recintos fortificaos, son idéntiques a les que pueden atopase en tol mundiu célticu européu.
La epigrafía y la toponimia yá de dómina romana fálanos d'onomástica celta, toponimia céltica y deidaes llocales venceyaes al panteón célticu continental ya insular (Lug, Belennos, Cossuo, Taranis, Nimmedus -Nemeton-, Deva, Navia, Onna… etc.).
Y la etnografía xunto a l'antropoloxía, fálanos d'un conxuntu de festividaes, vezos, ritos y tradiciones netamente venceyaes al mundiu celta, dalgunos dellos cristianizaos, pero non por eso menos celtes: Nueche d'Animes (Samhain), San Xuan (Beltaine), Candelaria (Imbolc), Santiago (Lugnasad), Mazcaraes d'Iviernu, etc.
Si a eso-y amestamos un folclor que ta venceyáu direutamente col de les naciones y rexones celtes del Arcu Atlánticu, de fechu, Asturies participa en dellos festivales internacionales de muncho pesu: An Oriant, Celtic Connections, Ortigueira… etc.; poco hai que cavilgar pa decatase del sustratu etnocultural más abondosu del nuesu país.
Otru aspeutu perimportante ye'l nome, Asturies, bien pudiera ser una llatinización d'un vocablu celta nuestru, o, polo menos, de delles fasteres o tribus indíxenes del conventum. Desplícome, una de les desplicaciones de la etimoloxía d'Asturies, ye que bien pudiera venir del raigón celta *Stour (Arias, 1984) y la so deriva bien pudo ser: Stour > stur > stura > astura > astur(i)a(s). El raigón *Stour significa “ríu” o “corriente d'agua”, lo que tien sentíu si los habitantes de la fastera del ríu Astura se nomaben a sigo mesmos dalgo asemeyao y, por razones que nun conocemos, Roma aplicólu a les tribus indíxenes de tol conventum.
Anguañu caltenemos viva una cultura celta puxante, viva y acaldía más fuerte.
¿Establez la Lliga Celta d'Asturies dalgún tipu de venceyos con otros territorios celtes?
Ensin dulda, de fechu, ye ún de los nuesos oxetivos al que-y dedicamos más enfotu. Agora mesmo caltenemos contautos con otres organizaciones intercéltiques del Arcu Atlánticu como: Celtic Nation Kernow, Transceltic, Pan-Keltic Alliance, International Celtic League. Liga Celta Cántabra, Conceyu Celta Lleonés. Celtic Australia y con varios festivales. Delles vegaes son contactos calteníos nel tiempu y n'otres ocasiones son contactos esporádicos pero siempres intentamos caltener contactos con otres organizaciones col envís d'afitar nuedos de xermandía pente'l nuesu país y otres naciones o rexones celtes.
Ún de los nuesos oxetivos ye afitar Asturies como merez nel ámbitu de la Celtia Atlántica, esto permite contactar con otres organizaciones ya instituciones pancéltiques o intercéltiques p'amosa-yos qu'Asturies perdió la llingua celta de so, pero caltién mui vivos dellos factores socioculturales netamente celtes.
La cultura celta nun se ceñía al norte ibéricu, yera tamién parte del centru. D'esti mou, ha autores que dicen que más que península ibérica debía ser península celtibérica. ¿Qué-y paez esta reflexón?
Bono, ye una cuestión de nominalismu puru, esiste un alderique qu'intenta argumentar a favor o escontra que los celtes de la mal nomada península ibérica son los celtíberos -sobre too porque la única llingua celta de la qu'esisten fragmentos escritos na península.
Otros autores argumenten que'l vocablu “celtíberu” vien de la mestura pente la cultura íbera y la celta ya que la tribu celtíbera escribía con alfabetu íberu. Tal y como yo atalanto la península ibérica a nivel protohestóricu, entiendo que la ribera mediterránea yera evidentemente íbera y los otros dos tercios, ye dicir, la meseta y tola contorna atlántica de la península yeren mayoritariamente celtes, siendo los celtíberos una de les tribus celtes de la fastera celta de la península.
¿Influyeron los celtíberos a tribus de la meseta y la cornisa cantábrica? Dende llueu, de fechu hai evidencies d'ello. Lo que tamién ta nidio ye que nel suroeste de l'actual Asturies diose una llingua protocéltica lo que mos diz que nel territoriu de la vieya Asturia falábense llingües celtes que nun yeren necesariamente celtibéricu, anque pola redolada oriental de l'actual Asturies se constate esa influencia celtibérica. En cualquier casu, ye lo de menos, astúricu, protocélticu o celtíberu, tamos falando de llingües celtes venceyaes a una cultura netamente celta.
Yo nomaría la península de “península céltica” más qu'ibérica.
¿Qué actividá desendolca la Lliga Celta d'Asturies?
La Lliga Celta d'Asturies ye una organización interceltista asturiana ensin porgüeyu que trabaya col principal enfotu n'afitar a Asturies como nación celta na Celtia Atlántica y, a la mesma vegada, defender, promover y esparder la cultura asturiana en tola so dimensión, tanto dientro de lo que ye la sociedá asturiana como n'otres rexones o países foriatos.
Pa llevar a cabu estos oxetivos, desendolcamos delles actividades:
- Un trabayu importante d'espardimientu de la cultura y el patrimoniu asturianu y d'otres naciones celtes del Arcu Atlánticu y continentales.
- Intervenciones socioeducatives (charres, talleres, xuegos, etc.), en centros educativos d'educación primaria y secundaria pel tol país.
- Entamamos esposiciones de semeyes; de vestimenta, preseos y panoplia de la Edá del Fierru n'Asturia.
- Entamamos conferencies, seminarios y visites guiaes per espertos/es a llugares d'especial interés (xacimientos arqueolóxicos, museos, espacios naturales, etc.)
- Collaboramos con dellos festivales intercélticos asturianos: Feltival Intercélticu d'Avilés y Comarca, Festival Internacional de Gaita Villa de Xixón, etc., entamando actividades diverses.
- Caltenemos contautos con organizaciones e instituciones d'otres naciones celtes. Nesi sen, tamién entamamos n'alcuentros interculturales.
- Dende un puntu de vista académicu asoleyamos el cartafueyu ASTOR, que cunta con artículos d'espertos/es nacionales o internacionales en dellos temes: llingüística, arqueoloxía, historia, etnografía, celtismu, etc.
- Y tolo que puea surdir.
Dende l'asociación publiquen la revista ASTOR. Cómo la definiría y qué espaciu cubre.
El cartafueyu ASTOR, surde nel añu 1981 y con dellos parones y muncha dificultá sobrevivió hasta güei.
Pretende ser una revista académica na qu'espertos nacionales ya internacionales apurran los sos artículos venceyaos a los principales temes que tratamos nel cartafueyu: arqueoloxía, historia, celtismu, llingüística, etnografía, teoloxía, mitoloxía, musicoloxía, arquitectura, etc. De fechu, tien una calidá tala, qu'hai dalgún artículu de la nuesa revista nel corpus del CSIC.
El cartafueyu tien una periodicidá añal, anque nun siempres podemos falar de feches fixes porque tol cartafueyu ta fechu por persones que trabayen de mou altruista nel so tiempu llibre y nun siempres too sopla a favor… pero siempres finamos asoleyándolu! Por tantu, el cartafueyu, pese a la so calidá, ye de baldre, namái hai que descargalu en PDF y lleelu.
Otra de les razones poles que lu facemos dixital ye pola facilidá del so espardimientu porque ta asoleyáu en tres idiomes (asturianu o eonaviegu, español ya inglés) y cualesquier persona en cualesquier llugar del mundiu nun tien más que descargalu col so móvil y lleelu.
Tamién ta presente la cuestión medioambiental, que seya dixital, fae que la buelga de carbonu, forestal y enerxética seya cuasi nula. Convidámosvos a descargalu y lleelu, creyemos que va prestavos.
¿Qué-y encamentaría a la sociedá asturiana del futuru?
Asturies ye más qu'un paisaxe, más qu'una memoria o una tradición: ye una forma de sintir, de falar, de vivir. Ye una identidá construyida a lo llargo de sieglos, tresmitida de xeneración en xeneración, que güei s'enfrenta a un retu silenciosu pero constante: la uniformización cultural derivada de la globalización.
Nun se trata de negar el mundiu nin de dar la espalda al progresu, si non de defender con arguyu lo que nos fai únicos. La cultura asturiana —la llingua, la música, el folclor, les costumes, la nuesa historia, la nuesa cosmovisión— precisa voces que la sigan calteniendo viva.
Dende la Lliga Celta d'Asturies, facemos un llamamientu sinceru y abiertu a tola sociedá asturiana. Queremos sumar voluntaes, idees y enerxía pa la defensa y promoción de la nuesa identidá. Nun buscamos espertos/es nin especialistes: buscamos persones comprometíes, con ganes de participar, d'aportar y d'aprender. Cada pequeña aición suma, cada mano cunta.
Si tienes más de 18 años, pues formar parte d'esta comunidá. Nun importa la to formación nin la to esperiencia: lo único imprescindible ye la to disposición. Con una cuota añal de 20€, contribuyes non solo al sofitu de les actividaes culturales que desendolcamos, si non tamién a garantizar que les futures xeneraciones puedan siguir sintiéndose parte d'Asturies.
Participar significa formar parte d'iniciatives culturales, collaborar n'eventos, aidar na difusión del patrimoniu, compartir tradición y, sobre too, fortalecer el sentimientu de pertenencia. Significa, en definitiva, ser protagonista de la continuidá de la nuestra cultura ya identidá.
Nun dexemos que la priesa del mundu actual diluya lo que somos. La identidá nun se pierde de güelpe: dilse adulces cuando se dexa d'ateclar. Agora más que nunca, ye'l momentu d'actuar. Asturies necesita de la so xente y la LCA necesita xente qu'andeche con nós.
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
Tolos mundos posibles
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
