Activáu l'INFOPA en fase d'alerta

Dada la previsión meteorolóxica pa los próximos díes, con un avisu especial de l'Axencia Estatal de Meteoroloxía AEMET por fola de calor, nes que les sos elevaes temperatures van afectar a Asturies, y con un nivel de peligru de quemes forestales altu, mui altu y estremu, el conseyeru de Movilidá, Mediu Ambiente y Xestión d'Emerxencies, Alejandro Calvo, activó, a les 7:52 hores del pasáu sábadu 20 de xunu, el Plan de Quemes Forestales del Principáu d'Asturies (INFOPA) en fase alerta, informa'l SEPA.

L'Infopa en fase d'alerta actívase automáticamente nes dómines de peligru mediu (de 15 de xunetu al 15 d'ochobre) y altu (del 15 de xineru al 30 d'abril). Tamién puede activase de forma preventiva énte la previsión d'altes temperatures.