Ciencia
normal
Los Picos d'Europa escuenden un 'amortiguador' xeolóxicu natural qu'evita la formación de terremotos
Los investigadores espliquen esti fenómenu pola esistencia de materiales poco ríxidos baxo les imponentes formaciones caliares que caractericen el relieve del macizu.
📷 uniovi.es
20/07/2026 05:00
| REDAICIÓN
Un equipu d'investigadores del Departamentu de Xeoloxía de la Universidá d'Uviéu afayó que los Picos d'Europa cuenten con una especie d'amortiguador xeolóxicu natural qu'esplica la práctica ausencia de terremotos na redolada del parque nacional. Gracies al despliegue d'una rede sísmica formada por diez sismógrafos y al usu d'avanzaes técniques d'analisis del subsuelu, los científicos comprobaron que baxo les grandes mases de roques caliares del macizu esisten materiales más blandios capaces d'absorber y disipar los esfuerzos tectónicos ensin xenerar fractures. Los resultaos del trabayu, publicaos na revista científica internacional Tectonophysics, ayuden a esplicar por qué esta zona constitúi unu de los sectores con menor actividá sísmica de tol Cordal Cantábricu.
L'estudiu foi desendolcáu por un equipu de seis investigadores del Departamentu de Xeoloxía de la Universidá d'Uviéu, lideráu polos catedráticos Gabriela Fernández-Viejo y Sergio Llana Fúnez. Los resultaos confirmen que, contrariamente a lo que podría camentase, el macizu de los Picos d'Europa ye una de les zones con menor actividá sísmica del Cordal Cantábricu.
“Mientres años entruguemos por qué una de les zones montascoses más espectaculares de la península apenes rexistra terremotos. Agora sabemos que la respuesta ta nos materiales que s'atopen baxo'l macizu y qu'actúen como un auténticu amortiguador natural”, esplica Gabriela Fernández Viejo.
Los investigadores espliquen esti fenómenu pola esistencia de materiales poco ríxidos baxo les imponentes formaciones caliares que caractericen el relieve del macizu, informa la Universidá d'Uviéu. Estes roques más blandies absuerben los esfuerzos tectónicos deformándose y disipando la enerxía, en llugar de frañise y xenerar terremotos. Nesti sen, actúen como un amortiguador natural. Esta situación contrasta colo qu'asocede nel oeste d'Asturies, onde predominen roques más ríxides que respuenden a los esfuerzos atropaos por aciu quiebres que sí xeneren actividá sísmica. En conxuntu, los Picos d'Europa configúrense como un territoriu sísmicamente estable, que la so mesma estructura interna llimita la xeneración de terremotos.
Pa llegar a estes conclusiones, l'equipu desplegó ente 2023 y 2024 una rede de 10 estaciones sísmiques distribuyíes pelos conceyos de Cabrales, Ribedeva, Onís, Valdeón, Llanes, Camaleño, Ribeseya, Peñamellera Alta y Parres. L'oxetivu yera escuchar con gran precisión l'actividá del subsuelu na rodiada del parque nacional más antiguu del estáu español. Mientres el periodu d'estudiu, el sistema rexistró namái 18 terremotos de magnitú perbaxa (ente 1 y 2), de los que solo ún tuvo'l so epicentru cerca del macizu. El restu de los eventos concentráronse a lo llargo de la falla de Ventaniella, principalmente nel conceyu de Casu y nel norte de la provincia de Llión.
Amás de les téuniques sísmiques tradicionales, l'estudiu incorporó una innovadora metodoloxía basada nel análisis del ruíu sísmicu ambiental, esto ye, les vibraciones constantes ya imperceptibles del terrén xeneraes por fenómenos naturales como'l foleaxe, el vientu o l'actividá humana. Esta téunica permite estudiar l'interior de la Tierra ensin necesidá d'esplosiones nin fontes artificiales. Gracies a ello, los científicos llograron una imaxe detallada del subsuelu hasta unos ocho kilómetros de fondura, identificando contastes ente materiales d'estremada rixidez y apurriendo nueves claves pa esplicar la escasa sismicidá de la zona.
“La combinación d'una rede sísmica d'alta resolución y téuniques de tomografía basaes en ruíu ambiental dexónos llograr una imaxe inédita del subsuelu de los Picos d'Europa. Esti trabayu amuesa cómo los preseos xeofísicos más avanzaos pueden ayudanos a entender meyor la estructura interna de los montes y los procesos que condicionen el so comportamientu sísmicu”, señala Gabriela Fernández-Viejo.
L'estudiu ta robláu polos investigadores Carlos López-Fernández, Jorge Acevedo, Gabriela Fernández-Viejo, Sergio Llana-Fúnez, Miguel Gutiérrez-Medina y Juan Manuel González-Cortina. L'estudiu contó con financiación del Ministeriu d'Economía ya Industria d'España, del Gobiernu del Principáu d'Asturies y del programa Torres Quevedo.
L'estudiu foi desendolcáu por un equipu de seis investigadores del Departamentu de Xeoloxía de la Universidá d'Uviéu, lideráu polos catedráticos Gabriela Fernández-Viejo y Sergio Llana Fúnez. Los resultaos confirmen que, contrariamente a lo que podría camentase, el macizu de los Picos d'Europa ye una de les zones con menor actividá sísmica del Cordal Cantábricu.
“Mientres años entruguemos por qué una de les zones montascoses más espectaculares de la península apenes rexistra terremotos. Agora sabemos que la respuesta ta nos materiales que s'atopen baxo'l macizu y qu'actúen como un auténticu amortiguador natural”, esplica Gabriela Fernández Viejo.
Los investigadores espliquen esti fenómenu pola esistencia de materiales poco ríxidos baxo les imponentes formaciones caliares que caractericen el relieve del macizu, informa la Universidá d'Uviéu. Estes roques más blandies absuerben los esfuerzos tectónicos deformándose y disipando la enerxía, en llugar de frañise y xenerar terremotos. Nesti sen, actúen como un amortiguador natural. Esta situación contrasta colo qu'asocede nel oeste d'Asturies, onde predominen roques más ríxides que respuenden a los esfuerzos atropaos por aciu quiebres que sí xeneren actividá sísmica. En conxuntu, los Picos d'Europa configúrense como un territoriu sísmicamente estable, que la so mesma estructura interna llimita la xeneración de terremotos.
Pa llegar a estes conclusiones, l'equipu desplegó ente 2023 y 2024 una rede de 10 estaciones sísmiques distribuyíes pelos conceyos de Cabrales, Ribedeva, Onís, Valdeón, Llanes, Camaleño, Ribeseya, Peñamellera Alta y Parres. L'oxetivu yera escuchar con gran precisión l'actividá del subsuelu na rodiada del parque nacional más antiguu del estáu español. Mientres el periodu d'estudiu, el sistema rexistró namái 18 terremotos de magnitú perbaxa (ente 1 y 2), de los que solo ún tuvo'l so epicentru cerca del macizu. El restu de los eventos concentráronse a lo llargo de la falla de Ventaniella, principalmente nel conceyu de Casu y nel norte de la provincia de Llión.
Amás de les téuniques sísmiques tradicionales, l'estudiu incorporó una innovadora metodoloxía basada nel análisis del ruíu sísmicu ambiental, esto ye, les vibraciones constantes ya imperceptibles del terrén xeneraes por fenómenos naturales como'l foleaxe, el vientu o l'actividá humana. Esta téunica permite estudiar l'interior de la Tierra ensin necesidá d'esplosiones nin fontes artificiales. Gracies a ello, los científicos llograron una imaxe detallada del subsuelu hasta unos ocho kilómetros de fondura, identificando contastes ente materiales d'estremada rixidez y apurriendo nueves claves pa esplicar la escasa sismicidá de la zona.
“La combinación d'una rede sísmica d'alta resolución y téuniques de tomografía basaes en ruíu ambiental dexónos llograr una imaxe inédita del subsuelu de los Picos d'Europa. Esti trabayu amuesa cómo los preseos xeofísicos más avanzaos pueden ayudanos a entender meyor la estructura interna de los montes y los procesos que condicionen el so comportamientu sísmicu”, señala Gabriela Fernández-Viejo.
L'estudiu ta robláu polos investigadores Carlos López-Fernández, Jorge Acevedo, Gabriela Fernández-Viejo, Sergio Llana-Fúnez, Miguel Gutiérrez-Medina y Juan Manuel González-Cortina. L'estudiu contó con financiación del Ministeriu d'Economía ya Industria d'España, del Gobiernu del Principáu d'Asturies y del programa Torres Quevedo.
Opinión
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
30/03/2026 14:21
Les coses pasaes, les que vienen, y les que tendríen de venir yá
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
