Economía
normal
Los BRICS reclamen más protagonismu nel mundu
El Foru Empresarial de los BRICS 2026 celebróse'l pasáu fin de selmana en Nueva Delhi
📷 15th BRICS SUMMIT, Public domain, via Wikimedia Commons
14/09/2026 05:01
| REDAICIÓN
El Foru Empresarial de los BRICS 2026 celebróse'l pasáu fin de selmana en Nueva Delhi, con una axenda enfocada en temes como la resiliencia de les cadenes de suministru, la innovación nel sector agrícola y l'agroteunoloxía, el comerciu de servicios y el xorrecimientu de la economía dixital.
Mientres la inauguración del alcuentru, el ministru d'Asuntos Esteriores d'India, Subrahmanyam Jaishankar, destacó la importancia del lema d'esta edición —resiliencia, innovación, cooperación y sostenibilidá— nun contestu marcáu polos cambeos y les tensiones que traviesa anguaño l'escenariu políticu y económicu internacional.
Jaishankar señaló que garantizar cadenes de suministru más conectaes y facilitar los intercambios comerciales convirtiéronse en prioridaes. Nesti sentíu, identificó árees como la infraestructura pública dixital, la intelixencia artificial, les teunoloxíes financieres y la manufactura avanzada como sectores con importantes posibilidaes de xorrecimientu. Coles mesmes, alvirtió sobre los desafíos rellacionaos col accesu a estes teunoloxíes, la definición d'estándares, la seguridá y la xeneración d'enfotu.
Pela so parte, el ministru indiu de Comerciu ya Industria, Piyush Goyal, defendió la creación de venceyos comerciales más sólidos, permediaos y capaces d'aguantar futures perturbaciones ente los países miembros y socios del bloque. Coles mesmes, manifestó la so mira de que'l foru permita algamar alcuerdos concretos y contribuya a fortalecer tanto'l diálogu económicu como les rellaciones empresariales dientro de los BRICS (sigla conformada coles iniciales de Brasil, Rusia, India, China y Sudáfrica).
Mientres la so intervención, el ministru de Desenvolvimientu Económicu de Rusia, Maxim Reshetnikov, resaltó'l pesu xorreciente del bloque, que los sos países representen aprosimadamente'l 30 % de la economía mundial. Según afirmó, los BRICS constitúin amás una plataforma con capacidá pa impulsar un futuru más sostenible.
Reshetnikov caltuvo que los países del grupu tienen d'avanzar escontra midíes concretes que permitan reforzar les cadenes de suministru, entainar los tresformamientos dixital y ecolóxicu y aprovechar l'ampliu potencial qu'ufierten los sos respectivos mercaos.
Mientres la inauguración del alcuentru, el ministru d'Asuntos Esteriores d'India, Subrahmanyam Jaishankar, destacó la importancia del lema d'esta edición —resiliencia, innovación, cooperación y sostenibilidá— nun contestu marcáu polos cambeos y les tensiones que traviesa anguaño l'escenariu políticu y económicu internacional.
Jaishankar señaló que garantizar cadenes de suministru más conectaes y facilitar los intercambios comerciales convirtiéronse en prioridaes. Nesti sentíu, identificó árees como la infraestructura pública dixital, la intelixencia artificial, les teunoloxíes financieres y la manufactura avanzada como sectores con importantes posibilidaes de xorrecimientu. Coles mesmes, alvirtió sobre los desafíos rellacionaos col accesu a estes teunoloxíes, la definición d'estándares, la seguridá y la xeneración d'enfotu.
Pela so parte, el ministru indiu de Comerciu ya Industria, Piyush Goyal, defendió la creación de venceyos comerciales más sólidos, permediaos y capaces d'aguantar futures perturbaciones ente los países miembros y socios del bloque. Coles mesmes, manifestó la so mira de que'l foru permita algamar alcuerdos concretos y contribuya a fortalecer tanto'l diálogu económicu como les rellaciones empresariales dientro de los BRICS (sigla conformada coles iniciales de Brasil, Rusia, India, China y Sudáfrica).
Mientres la so intervención, el ministru de Desenvolvimientu Económicu de Rusia, Maxim Reshetnikov, resaltó'l pesu xorreciente del bloque, que los sos países representen aprosimadamente'l 30 % de la economía mundial. Según afirmó, los BRICS constitúin amás una plataforma con capacidá pa impulsar un futuru más sostenible.
Reshetnikov caltuvo que los países del grupu tienen d'avanzar escontra midíes concretes que permitan reforzar les cadenes de suministru, entainar los tresformamientos dixital y ecolóxicu y aprovechar l'ampliu potencial qu'ufierten los sos respectivos mercaos.
Opinión
19/09/2026 05:10
Tolos mundos posiblesFíos de cualquier madre, normal
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
