Llingua
normal
🟡 Timer
ENTREVISTA"Esta antoloxía quier poner el focu onde nun se punxo hasta agora"
José Ángel Gayol recueye na obra L'ángulu ciegu la evolución de la poesía asturiana nes caberes dos décades
02/10/2026 05:10
| REDAICIÓN
José Ángel Gayol (Mieres del Camín, 1977) ye llicenciáu en Derechu, graduáu en Ciencies Xurídiques de les Alministraciones Públiques, llicenciáu n'Antropoloxía Social y Cultural y Máster n'Historia y Análisis Sociocultural. Escritor y críticu lliterariu, nesta ocasión, xunto con Ricardo Candás, Héctor Fernández y Héctor Pérez, recueye nuna obra la evolución de la poesía asturiana nes caberes dos décades. Esta antoloxía podemos atopala baxo'l títulu xenéricu de L'ángulu ciegu. Muestra de poesía asturiana actual (2001-2025).
Diz qu'esta obra surde pa enllenar un vacíu teóricu respeuto a les obres poétiques xeneraes nel primer cuartu de sieglu del XXI. ¿A qué vacíu se refier?
Les antoloxíes de la poesía asturiana contemporánea como Toma de tierra, de Jose Luis Argüelles, Palabres clares, de José Luis García Martín, o La prueba del once, d'Antón García, centrábense nos autores del Surdimientu en función de la edá o añu de nacencia y, nel casu de la última antoloxía, reblagaba percima d'una xeneración d'autores o grupu poéticu (que tampoco quiero entrar en disquisiciones teóriques) que paecía desapaecer de la órbita crítica asturiana. Unos nun llegaben a aquellos y aquelles autores qu'entamaron a publicar col nuevu sieglu y, llevando poca obra nel momentu de la publicación, nun merecíen la suerte de figurar neses antoloxíes. La última antoloxía presentaba voces nueves como si enantes d'esos poetes nun hubiera más que lo establecío como canon nes dos antoloxíes citaes primero. L'ángulu ciegu vien a cubrir esi vacíu.
Porque non solo les antoloxíes inoraben la obra d'un garrapiellu d'autores importantes de les últimes décades, sinón que los artículos críticos o d'análisis d'estos últimos venticinco años de poesía prestaben poca (más bien nenguna) atención a esti grupu o xeneración poética. Nun paez mui razonable que nun s'escribiera bona poesía n'asturianu nel últimu cuartu de sieglu, que nun se ficiera digna de la más mínima atención crítica.
Si podemos poner una etiqueta a la poesía d'estes décades caberes ye'l de la transición d'una temática rural a urbana. Esto ye una consecuencia del movimientu migratoriu de la sociedá, pero ¿qué conlleva emocionalmente?
Evidentemente un xiru d'órbita simbólica, de movimientu metafóricu y espresivu. Esti grupu poéticu mira lo rural d'otra manera (seique menos señardosa), mira lo urbano de forma consistente y persistente (nun son los primeros en facelo, pero sí los primeros n'aneciar nesa mirada), alderica con tradiciones lliteraries (inglesa, xaponesa, norteamericana...) estremaes de les tradiciones qu'inspiraben a los y les autores de la xeneración anterior, avérase a la cultura pop, o ye quien pa entemecese y reinterpretar otres espresiones estétiques acullá de la lliteratura, como la música, el cine, la pintura... Ye una lliteratura que ta n'hora cola lliteratura de fuera d'Asturies.
El títulu xenéricu de L'angulu ciegu espresa una metáfora
Sí, como xeneración quedamos nel ángulu ciegu del retrovisor críticu. Esistíemos, pero nun se vía la nuestra aportación lliteraria (tamién convién referise a la narrativa, l'ensayu..., diferentes de les cautivaes nes xeneraciones anteriores) al corpus testual de la lliteratura asturiana. Esta antoloxía quier poner el focu onde nun se punxo hasta agora. Quier dar llume y señalar un camín pal llabor críticu qu'estudiosos o interesaos na poesía asturiana puen siguir. Arriendes, paezme una entrada pimpanuda a la meyor poesía que s'escribió n'asturianu nos últimos venticinco años, tanto pal llector avezáu como pa quien nunca s'averara a la poesía n'asturianu y nun sabe per ónde entamar.
¿Hai dalgún poema paradigma d'esti cambéu?
Nun m'atrevo a proponer un poema concretu. Sería inxustu con tolos y toles poetes qu'ufierten dalgunos de los sos versos nesti llibru. Detrás hai un trabayu enorme de reflexón y xuiciu críticu de los cuatros antologadores, y pensamos que convién lleer los poemes que se proponen, y xuzgar cada llector ensin condicionantes nin prexuicios.
¿Esta evolución a lo urbano ta abanderada por varios autores o podemos focalizanos nun pioneru?
Dende llueu, podemos citar a Pablo Rodríguez Medina, Fonsu Velázquez, Xabiero Cayarga o, por supuesto, Xandru Fernández, que buscaron en dalgún momentu o siempre, nel casu de Fernández, espresiones líriques alloñaes del canon formal y temáticu de la segunda promoción del Surdimientu. Sicasí, ye la poesía posterior, la qu'apaez nesta antoloxía, la que marca de manera clara la nueva sienda poética.
¿Cómo confluyen cuatro persones pa entamar una obra asina?
Esta idea xurde d'una tertulia lliteraria que tenemos, dende hai bien d'años, de manera virtual nun grupu de Whatsapp. Tamién nos reunimos una vegada al añu. Ye'l peaxe que pagamos pol esiliu, llaboral o de la clase que sía, de dalgunos de los escritores d'esta xeneración. Normalmente falamos de llibros que nos presten, presentamos los nuestros inéditos a la llectura amistosa y crítica de los compañeros y compañeres, y charramos de lo que pasa na lliteratura, en particular l'asturiana. Nada nuevo: lo que siempre significó una tertulia lliteraria.
Nostante, un día comentamos La prueba del once, l'antoloxía enantes citada d'Antón García, y nel entamu l'antólogu dicía que la xeneración d'autores qu'entamaron a publicar a principios de sieglu renunciara a reflexonar sobre la so obra (falo de memoria, pero más o menos vien a dicir esto). Sentímonos capiaos a responder. ¿Cómo que renunciamos a reflexonar sobre'l fechu lliterariu, sobre la nuestra poesía, sobre la poesía de los demás coetáneos...? ¿Y qué llevábemos faciendo na tertulia en charres llargues y nutritives estos años? Sentimos que nos correspondía actuar, dar el pasu, preparar una antoloxía y, sobre too, fundir el conteníu intelectual y reflexivu d'eses charres nun estudiu introductoriu (imprescindible e imperdible apartáu de l'antoloxía, dicho sía de pasu) que tuvo finalmente a cargu d'Héctor Fernández, quien resume y esplica maxistralmente el nuestru posicionamientu teóricu.
Nun queremos tampoco sentar cátedra nin cerrar debates. Tolo contrario. Naguamos por respuestes contraries, matizaciones, estudios, propuestes que completen l'antoloxía o que la refuguen. Buscábemos mover la cámara de fotos n'amplia imaxe de grupu de la lliteratura asturiana. Renunciar a esa supuesta renuncia.
Vusté, como autor, ¿qué poemes son los que más esfuerciu suponen al tresferir de la mente al papel?
Tolos poemes, polo menos nel mio casu, respuenden a un esfuerzu enorme, y decepcionante dacuando. Detrás de cada poema hai munchu trabayu y, a vegaes, esi trabayu nun se reflexa nel resultáu. Entós destruyo'l poema y continuo escribiendo. Nun hai más remediu. Una lletra tres otra y voi construyendo una obra lliteraria personal. Quiciás diga dalgo de mi o del mundu que m'arrodia. Quiciás sirva pa que dalguién pue esplicase a sí mesmu o a sí mesma. Nun aspiro a más.
Diz qu'esta obra surde pa enllenar un vacíu teóricu respeuto a les obres poétiques xeneraes nel primer cuartu de sieglu del XXI. ¿A qué vacíu se refier?
Les antoloxíes de la poesía asturiana contemporánea como Toma de tierra, de Jose Luis Argüelles, Palabres clares, de José Luis García Martín, o La prueba del once, d'Antón García, centrábense nos autores del Surdimientu en función de la edá o añu de nacencia y, nel casu de la última antoloxía, reblagaba percima d'una xeneración d'autores o grupu poéticu (que tampoco quiero entrar en disquisiciones teóriques) que paecía desapaecer de la órbita crítica asturiana. Unos nun llegaben a aquellos y aquelles autores qu'entamaron a publicar col nuevu sieglu y, llevando poca obra nel momentu de la publicación, nun merecíen la suerte de figurar neses antoloxíes. La última antoloxía presentaba voces nueves como si enantes d'esos poetes nun hubiera más que lo establecío como canon nes dos antoloxíes citaes primero. L'ángulu ciegu vien a cubrir esi vacíu.
Porque non solo les antoloxíes inoraben la obra d'un garrapiellu d'autores importantes de les últimes décades, sinón que los artículos críticos o d'análisis d'estos últimos venticinco años de poesía prestaben poca (más bien nenguna) atención a esti grupu o xeneración poética. Nun paez mui razonable que nun s'escribiera bona poesía n'asturianu nel últimu cuartu de sieglu, que nun se ficiera digna de la más mínima atención crítica.
Si podemos poner una etiqueta a la poesía d'estes décades caberes ye'l de la transición d'una temática rural a urbana. Esto ye una consecuencia del movimientu migratoriu de la sociedá, pero ¿qué conlleva emocionalmente?
Evidentemente un xiru d'órbita simbólica, de movimientu metafóricu y espresivu. Esti grupu poéticu mira lo rural d'otra manera (seique menos señardosa), mira lo urbano de forma consistente y persistente (nun son los primeros en facelo, pero sí los primeros n'aneciar nesa mirada), alderica con tradiciones lliteraries (inglesa, xaponesa, norteamericana...) estremaes de les tradiciones qu'inspiraben a los y les autores de la xeneración anterior, avérase a la cultura pop, o ye quien pa entemecese y reinterpretar otres espresiones estétiques acullá de la lliteratura, como la música, el cine, la pintura... Ye una lliteratura que ta n'hora cola lliteratura de fuera d'Asturies.
El títulu xenéricu de L'angulu ciegu espresa una metáfora
Sí, como xeneración quedamos nel ángulu ciegu del retrovisor críticu. Esistíemos, pero nun se vía la nuestra aportación lliteraria (tamién convién referise a la narrativa, l'ensayu..., diferentes de les cautivaes nes xeneraciones anteriores) al corpus testual de la lliteratura asturiana. Esta antoloxía quier poner el focu onde nun se punxo hasta agora. Quier dar llume y señalar un camín pal llabor críticu qu'estudiosos o interesaos na poesía asturiana puen siguir. Arriendes, paezme una entrada pimpanuda a la meyor poesía que s'escribió n'asturianu nos últimos venticinco años, tanto pal llector avezáu como pa quien nunca s'averara a la poesía n'asturianu y nun sabe per ónde entamar.
¿Hai dalgún poema paradigma d'esti cambéu?
Nun m'atrevo a proponer un poema concretu. Sería inxustu con tolos y toles poetes qu'ufierten dalgunos de los sos versos nesti llibru. Detrás hai un trabayu enorme de reflexón y xuiciu críticu de los cuatros antologadores, y pensamos que convién lleer los poemes que se proponen, y xuzgar cada llector ensin condicionantes nin prexuicios.
¿Esta evolución a lo urbano ta abanderada por varios autores o podemos focalizanos nun pioneru?
Dende llueu, podemos citar a Pablo Rodríguez Medina, Fonsu Velázquez, Xabiero Cayarga o, por supuesto, Xandru Fernández, que buscaron en dalgún momentu o siempre, nel casu de Fernández, espresiones líriques alloñaes del canon formal y temáticu de la segunda promoción del Surdimientu. Sicasí, ye la poesía posterior, la qu'apaez nesta antoloxía, la que marca de manera clara la nueva sienda poética.
¿Cómo confluyen cuatro persones pa entamar una obra asina?
Esta idea xurde d'una tertulia lliteraria que tenemos, dende hai bien d'años, de manera virtual nun grupu de Whatsapp. Tamién nos reunimos una vegada al añu. Ye'l peaxe que pagamos pol esiliu, llaboral o de la clase que sía, de dalgunos de los escritores d'esta xeneración. Normalmente falamos de llibros que nos presten, presentamos los nuestros inéditos a la llectura amistosa y crítica de los compañeros y compañeres, y charramos de lo que pasa na lliteratura, en particular l'asturiana. Nada nuevo: lo que siempre significó una tertulia lliteraria.
Nostante, un día comentamos La prueba del once, l'antoloxía enantes citada d'Antón García, y nel entamu l'antólogu dicía que la xeneración d'autores qu'entamaron a publicar a principios de sieglu renunciara a reflexonar sobre la so obra (falo de memoria, pero más o menos vien a dicir esto). Sentímonos capiaos a responder. ¿Cómo que renunciamos a reflexonar sobre'l fechu lliterariu, sobre la nuestra poesía, sobre la poesía de los demás coetáneos...? ¿Y qué llevábemos faciendo na tertulia en charres llargues y nutritives estos años? Sentimos que nos correspondía actuar, dar el pasu, preparar una antoloxía y, sobre too, fundir el conteníu intelectual y reflexivu d'eses charres nun estudiu introductoriu (imprescindible e imperdible apartáu de l'antoloxía, dicho sía de pasu) que tuvo finalmente a cargu d'Héctor Fernández, quien resume y esplica maxistralmente el nuestru posicionamientu teóricu.
Nun queremos tampoco sentar cátedra nin cerrar debates. Tolo contrario. Naguamos por respuestes contraries, matizaciones, estudios, propuestes que completen l'antoloxía o que la refuguen. Buscábemos mover la cámara de fotos n'amplia imaxe de grupu de la lliteratura asturiana. Renunciar a esa supuesta renuncia.
Vusté, como autor, ¿qué poemes son los que más esfuerciu suponen al tresferir de la mente al papel?
Tolos poemes, polo menos nel mio casu, respuenden a un esfuerzu enorme, y decepcionante dacuando. Detrás de cada poema hai munchu trabayu y, a vegaes, esi trabayu nun se reflexa nel resultáu. Entós destruyo'l poema y continuo escribiendo. Nun hai más remediu. Una lletra tres otra y voi construyendo una obra lliteraria personal. Quiciás diga dalgo de mi o del mundu que m'arrodia. Quiciás sirva pa que dalguién pue esplicase a sí mesmu o a sí mesma. Nun aspiro a más.
Opinión
19/09/2026 05:10
Tolos mundos posiblesFíos de cualquier madre, normal
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
