Y tu, ¿de qué xeneración yes?

Les etiquetes que ponen a les xeneraciones son guañu de munches duldes al lleer una noticia. Ente los testos que podemos atopar pente los diferentes medios de comunicación podemos lleer que xeneración Boomer ye más reservada que la Z, o que la xeneración Y ye más teunolóxica que la X. Pero ¿sabes cuál ye'l nomatu de la to xeneración? Esta ye una guía rápida pa dar un poco de lluz a tanta sigla.

Los Baby Boomers (1946 – 1964) son la xeneración nacida nel periodu que siguió a la Segunda Guerra Mundial. Carauterícense por valorar muncho la estabilidá nel trabayu y l'esfuerzu personal, siendo los que vivieron el gran cambéu social y económicu de la segunda metá del sieglu XX.

La Xeneración X (1965 – 1980) ye conocida como la xeneración "ponte", yá que-yos tocó vivir la transición ente'l mundu analóxicu y l'entamu de la era dixital. Son persones independientes que s'afixeron a los grandes cambeos teunolóxicos y sociales, calteniendo un pie en dambes dómines.

Los Millennials o Xeneración Y (1981 – 1996) fueron los primeros n'incorporar de manera masiva la tecnoloxía y les redes sociales a la so vida diaria dende la mocedá. Destaquen por buscar un propósitu nel so trabayu, ser mui conectaos globalmente y priorizar les esperiencies percima de les posesiones materiales.

La Xeneración Z o Centennials (1997 – 2010) ta formada por nativos dixitales puros que nun conocen un mundu ensin internet nin teléfonos intelixentes. Son destacaos pol so activismu en causes sociales y medioambientales, amás d'una forma de comunicase muncho más inmediata y visual al traviés de les redes.