El cursu del Amazones conviértese nel nuevu logu de l'Amazonía brasileña

El proyeutu del nuevu logu de l'Amazonia brasileña busca convertir la rexón nuna marca global con identidá propia. Ta impulsáu por organismos públicos de turismu xunto con iniciatives de desenvolvimientu rexonal, col oxetivu de dar más visibilidá internacional a l'Amazonia. Nun se trata namái d’atrayer visitantes, sinón tamién inversión y oportunidaes económiques pa la población llocal, fomentando un modelu basáu na sostenibilidá, la bioeconomía y la riqueza cultural de los pueblos amazónicos.

El diseñu del logu forma parte d’una estratexa más amplia d'identidá visual, creada teniendo en cuenta la participación de les comunidaes de la zona. La so forma ta inspirada nos ríos y afluentes de l'Amazonía, lo que-y da un calter simbólicu y cambiante. Amás, el proyeutu inclúi midíes pa impulsar productos llocales, como sellos de certificación, col fin de facilitar la so comercialización y reforzar la conexón ente turismu, cultura y desenvolvimientu sostenible.