Aporta a Llanera'l centru aeronáuticu de Centervol

El conseyeru de Ciencia, Industria y Emplegu, Borja Sánchez, destacó la implantación n'Asturies de la empresa Centervol Maintenance y visitó les sos instalaciones nel centru de caltenimientu aeronáuticu en Silvota (Llanera), nes que prevé invertir hasta 20 millones d'euros y crear una ventena d'emplegos altamente cualificaos.
El proyeutu, n'información de la conseyería, ta en fas de tramitación alministrativa de los permisos necesarios pa realizar el caltenimientu mayor de diverses flotes d'helicópteros. Una vegada superáu, va dexar la revisión integral de polo menos 14 aeronaves, que ta previsto que s'incorporen al mercáu d'arriendu en 2027, sobremanera, pa realizar llabores d'estinción de quemes forestales.
Centervol ye una empresa aeronáutica española con más de 20 años d'esperiencia, especializada na formación de pilotos d'helicópteru, venta d'aeronaves (Robinson/Airbus) y caltenimientu, operando principalmente dende l'Aeropuertu de Girona-Costa Brava. Ufre servicios de FBO (encontu en tierra), hangaraxe y xestión d'aeronavegabilidá.