El Conceyu d'Uviéu acometió l'añu pasáu más de 1.000 actuaciones dientro del contratu de control de plagues y desratización

El Conceyu d'Uviéu acometió l'añu pasáu 1.038 actuaciones dientro del contratu de control de plagues y desratización. La conceyalía de Salú Pública, dependiente de Lourdes García, realizó les actuaciones xeollocalizaes en zones urbanes, rurales y en dependencies municipales. Con un tiempu d'actuación, señalen dende'l serviciu, dende l'avisu d'incidencies hasta la llegada d'operarios, de poques hores y con una revisión per parte del personal a los 15 díes.

El contratu del control de pagues y desratización, señalen dende la web del Ayuntamientu d'Uviéu, fai unos trabayos de caltenimientu y control a lo llargo de tol añu d'alcantarelláu en zones urbanes y rurales. Con respeutu al control de la población de palombes, en 2025 prindáronse 1013 aves n'estrictu cumplimientu de la normativa de bienestar animal. Dende la conceyalía señalen que les empreses que tán realizando esti serviciu cumplen escrupulosamente'l so trabayu de manera rápida y eficaz y nun se constató un aumentu significativu d'incidencies al respeutu, anque ye habitual qu'aumenten cola llegada del bon tiempu.