El gobiernu asturianu activa un plan énte'l próximu clis solar

El Gobiernu d'Asturies activó'l plan estratéxicu del clis solar total que se va producir el próximu 12 d'agostu, un fenómenu únicu que va poder observase en tola comunidá. El plan inclúi la creación d'una web con información y recursos pa la ciudadanía, con una cuenta atrás hasta'l día del eventu, y un programa de divulgación científica que va complementase con aiciones educatives, campañes de salú y un mapa de puntos d'observación segura.

El clis representa un acontecimientu históricu: ye'l primeru que s'observa na península ibérica dende 1905 y nun va volver repitise n'Asturies enantes de 2180. Por cuenta de la so posición xeográfica, el Principáu ufierta condiciones úniques de visibilidá, yá que tol territoriu va tar incluyíu n'escuridá total, esto ye, la Lluna va cubrir el Sol dafechu mientres un curtiu periodu de tiempu, informa'l Principáu d'Asturies.

Dende güei yá ta operativu nesti portal coles mires d'ufiertar información rigorosa y actualizada acaldía sobre'l clis. La web dispón tamién d'un mapa interactivu por conceyos nel que va poder consultase l'entamu del fenómenu y la so duración.