El gobiernu asturianu invierte na turbera de Las Dueñas (Cuideiru)

La Conseyería de Movilidá, Mediu Ambiente y Xestión d'Emerxencies concluyó les obres de proteición y restauración ambiental de la rodiada de la turbera de Las Dueñas, nel conceyu de Cuideiru, invirtiendo 65.988 euros. Esti espaciu, declaráu monumentu natural, destaca pola so singularidá ecolóxica y alluga unu de los escasos exemplos de turberes planes que llograron caltenese a lo llargo del tiempu n'Asturies.

Según informa la conseyería, ente los trabayos llevaos a cabu construyóse un senderu de 140 metros pa ordenar el tránsitu de visitantes, axeitóse una pequeña zona recreativa con calter interpretativu ya instalóse cartelería informativa sobre'l monumentu natural. Amás, realizáronse llabores de roza y fradadura, pa esaniciar especies non autóctones y vexetación que xorreciera de forma descontrolada.