El primer trimestre pieslla con máximos históricos en visitantes y estancies

Asturies pieslla un primer trimestre de récor, con máximos históricos en visitantes y estancies, y resultaos positivos en tolos segmentos, especialmente nel turismu rural. En total, hasta marzu visitaron la comunidá 328.116 persones que xeneraron 632.455 pernoctaciones, los valores más elevaos pa estos meses ensin la concurrencia de la Selmana Santa, según los datos publicaos güei pol Institutu Nacional d'Estadística (INE).

La Conseyería de Cultura, Política Llingüística y Turismu informa que la comunidá, que rexistró en marzu 138.933 viaxeros y 269.542 estancies, consolida asina la so fortaleza nesti campu.