L'Hospital Vital ÁlvarezBuylla axunta en Mieres a espertos internacionales en vértigu y trestornos del equilibriu

L'Hospital Vital Álvarez-Buylla (HVAB) acoyó ayeri y güei les II Xornaes de Patoloxía Vestibular, un alcuentru que convierte Mieres en puntu de referencia estatal ya internacional nel ámbitu del vértigu y los trestornos del equilibriu. La participación de figures de prestixu mundial como Michael Halmagyi, Ian Curthoys, Steven Rauch y Gülden Akdal, xunto con especialistes de referencia de tol estáu, asitia'l centru nel mapa científicu de la otoneuroloxía.

La organización d'estes xornaes per parte del Serviciu d'Otorrinolaringoloxía, informa la conseyería, reflexa la solidez d'un equipu integráu por cinco especialistes que desenvuelve una actividá integral nel ámbitu de les patoloxíes otorrinolaringolóxiques.

El serviciu atiende de forma siguida patoloxía nasal, incluyíes les rinitis alérxiques y non alérxiques; la poliposis nasosinusal, el papiloma invertíu y les deformidaes septonasales. Tamién aborda patoloxía cervical, como'l bociu, tumores de tiroides y paratiroides, duviesos cervicales y alteraciones de les glándules salivales, según patoloxíes faringolarínxea, de la voz y otolóxica.

Más información nesti enllaz.