La población del faisán montés, acaldía más cerca de la estinción

El faisán montés (Tetrao urogallus), una de les aves más emblemátiques del monte del norte peninsular, sigue averándose a la desaparición. Anque los caberos datos dan un aumentu de la población a 209 individuos en 2024 (MITECO), la densidá de la cordelera Cantábrica lleva en númberos bermeyos nestes caberes décades por varios motivos, como la perda y fragmentación del hábitat, los cambeos nel monte o la presión humana. En munches zones onde enantes yera habitual escuchar el cantu de los machos nos cantaderos, agora namái queden núcleos mui pequeños y aisllaos.

Nos Pirineos, el mayor reservoriu d'esta especie na península ibérica, el panorama ta comenzando a ser esmolecedor, anque la población aguanta meyor que na cordelera Cantábrica. Los censos de los últimos años indiquen una baxada clara nel númberu d’exemplares, especialmente en Cataluña, onde desaparecieron munchos cantaderos históricos. Los caberos datos falen d'un descensu de los 581 machos en 2005 a los 245 en 2025, según l'Asociación Defensa Lobo y Oso en el Pirineo (ADLO Pirineo).

Les asociaciones de defensa del patrimoniu natural clamen por aiciones que llogren frenar el retrocesu de la especie enantes de que la situación llegue a un puntu irreversible.