Alón al roscu de Pasapalabra

El Tribunal Supremu confirmó la sentencia de l'Audiencia Provincial de Barcelona qu'obliga a Atresmedia a cesar na emisión de Pasapalabra cola prueba final conocida como El Roscu ("El Rosco"), al considerar qu'esi formatu constitúi una obra protexida pola propiedá intelectual. La Sala de lo Civil desestima íntegramente los recursos de Atresmedia ya ITV Studios, asina como'l recursu de MC&F Broadcasting Production and Distribution C.V., y ratifica que la titularidá d'El Roscu correspuende a esta última compañía.

El Supremu confirma asina la validez de la conderga a cesar na esplotación d'El Roscu ensin autorización del so titular, anque precisa qu'esi cese nun implica necesariamente dexar d'emitir el programa Pasapalabra nel so conxuntu. El resolvimientu estrema ente'l concursu televisivu y la prueba final litixosa, y caltién que'l Roscu axunta la orixinalidá abonda pa recibir proteición como obra, pola so configuración y singularidá dientro de los xuegos basaos nel alfabetu.

El pleitu enfrentaba a MC&F con Atresmedia, con intervención d'ITV, pola emisión del formatu nel programa. La decisión del Supremu dexa firme la sentencia recurrida, que reconocía los derechos de MC&F sobre'l Roscu y condergaba a Atresmedia a cesar nel so usu ensin autorizar, amás de les consecuencies económiques fixaes nel resolvimientu de l'Audiencia de Barcelona.

Fonte: Poder Judicial