El Monte Everest, un llugar idílicu col vertederu a mayor altitú del mundu

El Monte Everest ye'l monte más altu del planeta, con una altitú de 8.848 metros sobre'l nivel del mar. Asitiáu nel cordal del Himalaya, ente Nepal y el Tíbet, representa ún de los mayores desafíos pa montañeros y aventureros de tol mundu. Cada añu, cientos de persones intenten algamar la so cume como retu personal, deportivu y de superación, atrayíes pol prestixu y la dificultá estrema que supón coronar el techu del mundu.

Sicasí, esta gran afluencia d'espediciones provoca un grave problema mediuambiental. Les ascensiones provoquen tonelaes de borrafes, como botelles d'oxíxenu, tiendes de campaña, plástico, ropa y material d'escalada. Por cuenta de les perdures condiciones climátiques y l'enorme costu económicu y físicu que supón tresportar la basura de regresu, muncho material queda como refugaya a esa altitú, permaneciendo abandonao nes fasteres y campamentos del Everest. Como consecuencia, el monte alluga'l vertederu asitiáu a mayor altitú del mundu, un problema qu'esmolez cada vez más a les autoridaes y organizaciones ecoloxistes.