Mieres entama una nueva edición de “Movámonos Xunt@s” pa les vacaciones escolares de branu

El Conceyu de Mieres, al traviés de la conceyalía de Mocedá ya Infancia que dirixe Nuria Rodríguez, pon en marcha esti próximu branu una nueva edición de los campamentos urbanos “Movámonos Xunt@s”, una iniciativa empobinada a neños y neñes ente 3 y 12 años que permite ufiertar actividaes d'ociu y deporte a les y los participantes, al empar que sofita a les families na organización del tiempu en plena dómina vacacional, facilitando asina la conciliación personal y llaboral.

“Movámonos Xunt@s” va desenvolvese en cuatro quincenes mientres los meses de xunetu y agostu, con 100 places por quincena. En total, por tanto, 400 places pa una actividá que se convierte cada branu nun espaciu d'alcuentru, xuegos, diversión y ociu y nun recursu, de calter gratuitu, pa la organización y la conciliación, informa'l Conceyu de Mieres.