Llingua
normal
🟡 Timer
Rafael Rodríguez Valdés gana'l XXXII Premiu Xuan María Acebal de poesía n'asturianu con Histories d'una familia obrera
La obra ganadora percuerre la historia recién de l'Asturies trabayadora
📷 asturias.es
14/10/2026 05:00
| REDAICIÓN
La Conseyería de Cultura, Política Llingüística y Deporte concedió al historiador y editor asturianu Rafael Rodríguez Valdés el XXXII Premiu Xuan María Acebal de poesía n'asturianu por Histories d'una familia obrera.
La obra ganadora percuerre la historia recién de l'Asturies trabayadora dende una mirada na que la memoria familiar y la colectiva avancen xuntes. El xuráu destacó la solidez cola que ta construyíu'l poemariu y la so capacidá pa entrellaciar les vivencies personales cola esperiencia de toa una xeneración, hasta componer una biografía que ye a la vez íntima, política y xeneracional. Tamién valoró'l conocimientu tan fondu de la lliteratura asturiana que demuestra l'autor.
El director xeneral d'Acción Cultural y Normalización Llingüística, Antón García, presidió'l xuráu, del que formaron parte Sofía Fernández Castañón, ganadora de la edición anterior, y los filólogos Rodrigo Olay Valdés, Iris Quintana Villa, Alba González Sanz y Taresa Fernández Lorences. Laura Marcos Domínguez, filóloga del Serviciu de Planificación y Normalización Llingüística, actuó como secretaria.
El Premiu Xuan María Acebal, promovíu pola Conseyería de Cultura, Política Llingüística y Deporte, ta dotáu con 6.000 euros y incluye la publicación de la obra ganadora. Amás, Rafael Rodríguez Valdés va poder incorporarse a los circuitos d'Asturies, Cultura en Rede, una vía pa llevar la so obra a dellos puntos d'Asturies y averala a públicos nuevos.
Rafael Rodríguez Valdés (Uviéu, 1978)
Rafael Rodríguez Valdés ye llicenciáu n'Historia pola Universidá d'Uviéu y especialista universitariu n'Archivística pola UNED. Foi presidente de la Asociación de Jóvenes Historiadores/Conceyu de Xóvenes Historiadores, entidá qu'organizó delles ediciones de les Xornaes d'Historia Contemporánea na Universidá d'Uviéu na primer década d'esti sieglu, y director d'Erada. Revista d'Historia Contemporánea d'Asturies, publicación de la que salieron tres númberos ente'l 2007 y el 2010.
Amás, ye autor de delles publicaciones sobre la historia contemporánea asturiana, ente elles Discursos llingüísticos y movimientu obreru na Asturies decimonónica (Ediciones Trabe, 2009), obra gallardonada col Premiu Fierro Botas d'Ensayu del 2008, y El motor de la historia (Ediciones Trabe, 2026), una recopilación de trabayos publicaos ente'l 2004 y el 2024 que traten la investigación, la divulgación y la reflexón historiográfica sobre'l pasáu recién d'Asturies.
Ente'l 2012 y el 2026 foi responsable del Serviciu de Normalización Llingüística del Conceyu de Corvera, dende'l 2019 coordina la colección Calume d'Ediciones Trabe y anguaño dirixe la mesma editorial.
La obra ganadora percuerre la historia recién de l'Asturies trabayadora dende una mirada na que la memoria familiar y la colectiva avancen xuntes. El xuráu destacó la solidez cola que ta construyíu'l poemariu y la so capacidá pa entrellaciar les vivencies personales cola esperiencia de toa una xeneración, hasta componer una biografía que ye a la vez íntima, política y xeneracional. Tamién valoró'l conocimientu tan fondu de la lliteratura asturiana que demuestra l'autor.
El director xeneral d'Acción Cultural y Normalización Llingüística, Antón García, presidió'l xuráu, del que formaron parte Sofía Fernández Castañón, ganadora de la edición anterior, y los filólogos Rodrigo Olay Valdés, Iris Quintana Villa, Alba González Sanz y Taresa Fernández Lorences. Laura Marcos Domínguez, filóloga del Serviciu de Planificación y Normalización Llingüística, actuó como secretaria.
El Premiu Xuan María Acebal, promovíu pola Conseyería de Cultura, Política Llingüística y Deporte, ta dotáu con 6.000 euros y incluye la publicación de la obra ganadora. Amás, Rafael Rodríguez Valdés va poder incorporarse a los circuitos d'Asturies, Cultura en Rede, una vía pa llevar la so obra a dellos puntos d'Asturies y averala a públicos nuevos.
Rafael Rodríguez Valdés (Uviéu, 1978)
Rafael Rodríguez Valdés ye llicenciáu n'Historia pola Universidá d'Uviéu y especialista universitariu n'Archivística pola UNED. Foi presidente de la Asociación de Jóvenes Historiadores/Conceyu de Xóvenes Historiadores, entidá qu'organizó delles ediciones de les Xornaes d'Historia Contemporánea na Universidá d'Uviéu na primer década d'esti sieglu, y director d'Erada. Revista d'Historia Contemporánea d'Asturies, publicación de la que salieron tres númberos ente'l 2007 y el 2010.
Amás, ye autor de delles publicaciones sobre la historia contemporánea asturiana, ente elles Discursos llingüísticos y movimientu obreru na Asturies decimonónica (Ediciones Trabe, 2009), obra gallardonada col Premiu Fierro Botas d'Ensayu del 2008, y El motor de la historia (Ediciones Trabe, 2026), una recopilación de trabayos publicaos ente'l 2004 y el 2024 que traten la investigación, la divulgación y la reflexón historiográfica sobre'l pasáu recién d'Asturies.
Ente'l 2012 y el 2026 foi responsable del Serviciu de Normalización Llingüística del Conceyu de Corvera, dende'l 2019 coordina la colección Calume d'Ediciones Trabe y anguaño dirixe la mesma editorial.
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
