Asturies
normal
🟡 Timer
Cultura destina 200.000 euros al reconocimientu de la escelencia deportiva y la promoción del deporte tradicional
Estes convocatories formen parte del aumentu progresivu de la inversión autonómica en materia deportiva
📷 asturias.es
15/10/2026 05:00
| REDAICIÓN
La Conseyería de Cultura, Política Llingüística y Deporte publicó ayeri nel Boletín Oficial del Principáu d'Asturies (Bopa) la concesión de dos llinies d'ayudes que sumen 200.000 euros y respuenden a un compromisu doble del Gobiernu d'Asturies: reconocer tanto a quien compiten na élite como a les entidaes que preserven el deporte tradicional asturianu.
Les resoluciones destinen 149.999,67 euros a los Premios a la Escelencia Deportiva, de los que se van beneficiar 39 deportistes, y otros 49.998,93 euros a 14 clubes, asociaciones y federaciones que desenvuelven actividaes rellacionaes colos deportes tradicionales. Dos ámbitos diferentes que formen parte d'un mesmu apueste pol deporte, dende la competición alta hasta les práctiques que se tresmiten de xeneración en xeneración y formen parte de la identidá d'Asturies.
Reconocimientu al esfuerciu y la escelencia deportiva
La conseyería reconoz colos Premios a la Escelencia Deportiva la dedicación de 39 deportistes asturianos qu'algamaron la categoría absoluta de nivel nacional altu o rindimientu autonómicu altu. Trátase d'una llinia de sofitu económicu que pon en valor el trabayu, la constancia y el compromisu necesarios pa competir nes categorías más esixentes.
Les cantidaes axustáronse al presupuestu disponible con un repartu proporcional de los importes previstos de mano pa cada categoría. Los premios van abonase nun pagu únicu y nun van precisar una xustificación posterior, más allá de l'acreitación de los requisitos establecíos pa la so concesión.
El deporte tradicional, un patrimoniu común
El Gobiernu d'Asturies tamién reforcia'l so apoyu a les entidaes que trabayen pa conservar, enseñar y dar continuidá a les modalidaes deportives tradicionales. La segunda resolución reparte 49.998,93 euros ente 14 clubes, asociaciones y federaciones qu'entamen competiciones, actividaes d'iniciación y propuestes de divulgación.
Los bolos, nes sos modalidaes diverses, y el remu tradicional protagonicen bona parte de los proyectos escoyíos. Les ayudes sofiten iniciatives como la VI Lliga Infantil de Bolu Celta, les xornaes infantiles de bolos cuatriada, el Campeonatu de Bolos del Muséu del Pueblu d'Asturies o delles actividaes rellacionaes col bolu batiente y el bolu vaqueiru.
Tamién se financien regates, propuestes pa dar a conocer el remu tradicional asturianu y la reedición d'un manual d'iniciación a los bolos cuatriada. Son proyectos orientaos a asegurar la continuidá d'estes práctiques y a favorecer que neños, neñes y xente mozo entren en contactu con elles dende edaes tempranes.
La concesión d'estes subvenciones fai posible sofitar tanto competiciones afianzaes como actividaes de formación y divulgación qu'averen estes disciplines a públicu nuevo.
Estes convocatories formen parte del aumentu progresivu de la inversión autonómica en materia deportiva. Precisamente, el Gobiernu d'Asturies yá comprometió pal 2027 dos millones d'euros pa les federaciones deportives, otros 2,5 millones pa los clubes de nivel altu y 300.000 euros pa les ayudes dirixíes a deportistes de nivel altu y rindimiento altu, cola mira d'afianzar la medría del sistema deportivu asturianu.
Pal Executivu autonómicu, el deporte ye una forma de construyir comunidá, xenerar oportunidaes y preservar una parte de la cultura asturiana. Reconocer a quien lleven el nome d'Asturies a la competición alta y acompañar a quien caltienen actives les nuestres modalidaes tradicionales son dos maneres complementaries d'entender una mesma política pública: apoyar el talentu deportivu ensin perder de vista la identidá, el territoriu y el relevu xeneracional.
Les resoluciones destinen 149.999,67 euros a los Premios a la Escelencia Deportiva, de los que se van beneficiar 39 deportistes, y otros 49.998,93 euros a 14 clubes, asociaciones y federaciones que desenvuelven actividaes rellacionaes colos deportes tradicionales. Dos ámbitos diferentes que formen parte d'un mesmu apueste pol deporte, dende la competición alta hasta les práctiques que se tresmiten de xeneración en xeneración y formen parte de la identidá d'Asturies.
Reconocimientu al esfuerciu y la escelencia deportiva
La conseyería reconoz colos Premios a la Escelencia Deportiva la dedicación de 39 deportistes asturianos qu'algamaron la categoría absoluta de nivel nacional altu o rindimientu autonómicu altu. Trátase d'una llinia de sofitu económicu que pon en valor el trabayu, la constancia y el compromisu necesarios pa competir nes categorías más esixentes.
Les cantidaes axustáronse al presupuestu disponible con un repartu proporcional de los importes previstos de mano pa cada categoría. Los premios van abonase nun pagu únicu y nun van precisar una xustificación posterior, más allá de l'acreitación de los requisitos establecíos pa la so concesión.
El deporte tradicional, un patrimoniu común
El Gobiernu d'Asturies tamién reforcia'l so apoyu a les entidaes que trabayen pa conservar, enseñar y dar continuidá a les modalidaes deportives tradicionales. La segunda resolución reparte 49.998,93 euros ente 14 clubes, asociaciones y federaciones qu'entamen competiciones, actividaes d'iniciación y propuestes de divulgación.
Los bolos, nes sos modalidaes diverses, y el remu tradicional protagonicen bona parte de los proyectos escoyíos. Les ayudes sofiten iniciatives como la VI Lliga Infantil de Bolu Celta, les xornaes infantiles de bolos cuatriada, el Campeonatu de Bolos del Muséu del Pueblu d'Asturies o delles actividaes rellacionaes col bolu batiente y el bolu vaqueiru.
Tamién se financien regates, propuestes pa dar a conocer el remu tradicional asturianu y la reedición d'un manual d'iniciación a los bolos cuatriada. Son proyectos orientaos a asegurar la continuidá d'estes práctiques y a favorecer que neños, neñes y xente mozo entren en contactu con elles dende edaes tempranes.
La concesión d'estes subvenciones fai posible sofitar tanto competiciones afianzaes como actividaes de formación y divulgación qu'averen estes disciplines a públicu nuevo.
Estes convocatories formen parte del aumentu progresivu de la inversión autonómica en materia deportiva. Precisamente, el Gobiernu d'Asturies yá comprometió pal 2027 dos millones d'euros pa les federaciones deportives, otros 2,5 millones pa los clubes de nivel altu y 300.000 euros pa les ayudes dirixíes a deportistes de nivel altu y rindimiento altu, cola mira d'afianzar la medría del sistema deportivu asturianu.
Pal Executivu autonómicu, el deporte ye una forma de construyir comunidá, xenerar oportunidaes y preservar una parte de la cultura asturiana. Reconocer a quien lleven el nome d'Asturies a la competición alta y acompañar a quien caltienen actives les nuestres modalidaes tradicionales son dos maneres complementaries d'entender una mesma política pública: apoyar el talentu deportivu ensin perder de vista la identidá, el territoriu y el relevu xeneracional.
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
