El campanu más fuxidizu

El cuartu día hábil de la temporada de pesca del salmón n'Asturies, qu'empezó'l pasáu sábadu 18 d'abril, concluyó ensin que se prindara'l primer exemplar, el conocíu como 'campanu'. La xornada, marcada por una bona asistencia de pescadores, nun sirvió pa que'l preciáu salmón diera señales de vida, enllargando asina una espera que yá antemana un nuevu récor. L'ausencia del exemplar torgó, amás, la celebración de les tradicionales puyes previstes en llocalidaes como Corniana y Cangues d'Onís, que nos últimos años solíen rondar precios d'ente 10.000 y 20.000 euros.

La esmolición ente los pescadores y los colectivos ecoloxistes ye creciente, darréu que la tardanza nun ye un fechu aislláu. Los riberanos sorrayen la drástica cayida de la población de salmón atlánticu nos últimos años, apuntando a la necesidá d'investigar qué asocede na mar, asina como a l'aición de depredadores como la roballiza nos mesmos ríos.

Esta situación contrasta fuertemente col pasáu recién, cuando capturábense unos 1.000 exemplares añales, y que nel añu 2025 foron namás 130^(fonte) Esto dibuxa un panorama esmolecedor pa una tradición que podría tar en peligru d'estinción.