Deteníu en Cuenca, un fuxitivu que camudó de xéneru pa fuxir de la xusticia

La Policía Nacional detuvo en Montalbo (Cuenca) a un fuxitivu con reclamación xudicial d'ingresu en prisión por agresión sexual. Dase la circunstancia, que'l fuxitivu recién cambiara de xéneru pa intentar eludir les condergues por los delitos contra la llibertá sexual cometíos.

El prófugu, que fuxó enantes de la vista xudicial abandonando'l preséu de llocalización que llevaba por conderga pa proteición de les víctimes, foi deteníu esta mañana nun xalé de Montalbo (Cuenca) onde permanecía escondíu cola ayuda de la so actual pareya. Esta apurría-y midíes de seguridá pa evitar el so siguimientu, asina como material deportivu pa caltenese activu mientres el so ocultamientu.

Según fontes policiales l'investigáu presenta un perfil sicopáticu y altamente peligrosu. Amás, facíase pasar por axente de l'autoridá p'acosar a les sos víctimes, tomaba represalies como amburar vehículos o viviendes y usaba material íntimu captáu ensin consentimientu. En numberoses ocasiones manipoliaba a les víctimes hasta llograr que cometieran delitos nel so favor escontra terceros colos que tenía enemistá.

El deteníu atropa numberosos antecedentes por violencia de xéneru y otros delitos rellacionaos. La investigación empecipióse n'abril en teniendo los axentes conocencia de la reclamación xudicial vixente, y finalmente afitóse un dispositivu policial que remató cola so detención na casa au s'escondía.