El conceyu d'Uviéu impulsa una campaña de sensibilización a los ciudadanos con mascotes

El Conceyu d'Uviéu y FCC Medio Ambiente punxeron en marcha la campaña de sensibilización ciudadana "Tu perro lo hace, tú la recoges, la ciudad lo agradece" (“El to perru failo, tu recuéyeslo, la ciudá agradezlo”), una iniciativa destinada a promover el civismu y la tenencia responsable d'animales de compañía nos espacios públicos de la ciudá. L'aición busca reforzar el compromisu d'Uviéu cola llimpieza urbana, la convivencia vecinal y el curiáu de los espacios comunes, apelando a la responsabilidá de los propietarios de mascotes y reconociendo'l comportamientu exemplar de la mayoría de los ciudadanos que yá cumplen cola normativa municipal.

Según la web del Ayuntamientu d'Uviéu, va instalase mientres trés xornaes un stand informativu na Plaza de la Escandalera onde los propietarios de mascotes van poder recibir gratuitamente material de llimpieza ya información sobre les obligaciones recoyíes na normativa municipal. Les feches y horarios de la campaña van ser los siguientes:
· Vienres 15 de mayu de 2026, de 16:00 a 20:00 hores.
· Sábadu 16 de mayu de 2026, de 16:00 a 20:00 hores.
· Domingu 17 de mayu de 2026, de 11:00 a 15:00 hores.

Les persones que s'averen cola mascota al stand van poder recoyer de forma gratuita unos botes pa la llimpieza d'orín y packs de bolses pa la recoyida d'escrementos.