La islla de Tenerife espera roceana la llegada del cruceru col biltu d'hantavirus

Dientro del operativu coordináu pola Organización Mundial de la Salú (OMS) y el Gobiernu d'España, el cruceru afectáu pol biltu d'hantavirus va llegar nunes hores al puertu de Granadilla, na isla de Tenerife. Les autoridaes sanitaries españoles y canaries activaron un plan de control y evacuación qu'inclúi protocolos d'aisllamientu, evaluación epidemiolóxica y desinfeición del buque, siempres siguiendo les direutrices internacionales de la OMS.

La llegada del cruceru neerlandés MV Hondius ta causando cierta rocea ente la población tinerfeña pola llercia al contaxu de los habitantes insulares. La pantasma del Covid inda ta mui presente na memoria coleutiva.

El MV Hondius ye una embarcación d’espediciones turístiques que facía una ruta pel Atlánticu Sur depués de salir d’Ushuaia, n’Arxentina. A bordu viaxaben alredor de 150 persones de distintes nacionalidaes, ente elles pasaxeros europeos y americanos, amás de la tripulación. El cruceru quedó baxo vixilancia sanitaria trés detectase dellos casos de hantavirus y delles muertes rellacionaes col biltu, polo que los viaxeros permanecen controlaos y pendientes de repatriación a los sos países d’orixe.