¿Qué son los hantavirus y cuándo se rexistró'l primer biltu?

Primer hantavirus rexistráu
El primer biltu documentáu de fiebre hemorráxica con síndrome renal (FHSR) asocedió mientres la Guerra de Corea, en 1951. Afectó a más de 3.000 soldaos de les tropes desplegaes pola ONU. A pesar d'una intensa investigación, l'axente etiolóxicu d'esta enfermedá siguió siendo un misteriu mientres ventiocho años, hasta que'l prototipu del hantavirus, el virus Hantaan –nome que deriva del ríu Hantaan, en Corea del Sur– foi aislláu en 1978 del mur de campu rayáu (Apodemus agrarius).

Enantes de la década de 1990 esistía la creyencia de que los hantavirus taben restrinxíos a Asia y a Europa, pero l'apaición, en 1993, d'un biltu infeiciosu inusual nos Estaos Xuníos camudó esta perceición.

¿Qué són los hantavirus?
Los hantavirus pertenecen al xéneru Orthohantavirus, a la familia Hantaviridae y al orde Bunyavirales, y representen una amenaza significativa y emerxente pa la salú pública mundial, qu'afecta a más de 200.000 persones en tol mundu cada añu.

Son virus zoonóticos con una distribución cuasi global que causen dos enfermedaes graves n'humanos: la fiebre hemorráxica con síndrome renal (FHSR), n'Europa y n'Asia, y el síndrome cardiopulmonar por hantavirus (SCPHC), tamién llamáu síndrome pulmonar por hantavirus (SPH), n'América. Los royedores son los principales hospedadores naturales de los hantavirus causantes de la FHSR y el SPH, anque s'amosó que los esperteyos, los topos, los musgaños, los reptiles y los pexes tamién pueden ser portadores.

Esti artículu ye un estractu del orixinal de Raúl Rivas González, caderalgu de Microbioloxía.
Llea l'artículu completu y amplíe la información en The Conversation.