Uber empieza a operar n'Asturies con serviciu n'Uviéu, Xixón y Avilés

Uber empezó esti martes, 19 de mayu de 2026, a operar n'Asturies. La plataforma de movilidá activó'l so serviciu dende les 11:00 hores n'Uviéu, Xixón y Avilés, onde los usuarios yá pueden solicitar viaxes al traviés de l'app. El desembarcu faise primeramente col serviciu UberX y en collaboración con Moove Cars, empresa especializada en flotes de vehículos de tresporte con conductor.

La compañía llega al Principáu con una fórmula que combina vehículos VTC y la posibilidá de que los taxistes asturianos s'integren na aplicación dende'l primer día. Con ello, Uber intentaría ampliar la ufierta de tresporte urbanu y, al mesmu tiempu, amenorgar el choque col sector del taxi, que n'otres ciudaes recibió con refugu la entrada d'esta mena de plataformes.

Magar que la app permite usar parcialmente la toponimia oficial nel país, aínda nun la usa nos sos mapes. En 7Díes comprobamos que na so web aínda nun anovó les ciudaes nes qu'opera n'Asturies, y sí contempla Langreo