Asturies
normal
Aína refuérzase y mueve ficha coles mires en 2027
La formación garra puxu y decide volcar los sos recursos na creación d'un polu políticu electoral asturianu ampliu, al empar que se prepara internamente pa les vinientes cites eleutorales de 2027.
📷 AÍNA, nel so IV Congresu. @aína
12/05/2026 18:05
| REDAICIÓN
Aína, la formación que nació como sentimientu d'orfandá política, ta atopando adulces el so sitiu. Dende 2023, la formación garra puxu y hai poco celebró'l so IV Congresu, nel que s'aprobó por unanimidá una nueva estratexa de cara a les eleiciones de 2027: impulsar un “polu políticu eleutoral d’obediencia y aición estricta asturiana”. La organización fala d’un procesu de “validación popular” col que busca construyir una alternativa con implantación social y capacidá de tresformación real n’Asturies.
Apertura y renovación. Dende la dirección defendióse un modelu descentralizáu nel ámbitu municipal, dexando que les agrupaciones llocales decidan cómo presentase en cada conceyu. La formación entiende que la política municipal precisa soluciones distintes según el territoriu, especialmente nun escenariu onde’l municipalismu y les candidatures de proximidá siguen teniendo pesu nel mapa políticu asturianu.
Aína anunció tamién la futura convocatoria d’una Asamblea Xeneral destinada a reforzar la cohesión interna y avanzar nun compromisu feminista más sólidu. Nel mesmu marcu, la formación confirmó la intención de poner en marcha una fundación vinculada al partíu que sirva pa fortalecer el so discursu ideolóxicu, impulsar la formación política de militantes y candidates y favorecer un cambéu cultural na sociedá asturiana.
Con esti movimientu, Aína entra oficialmente na carrera política escontra 2027 apostando por una fórmula propia, asturianista y de vocación amplia. El partíu busca agora tresformar el discursu congresual nuna estructura capaz d’atraer nuevos sectores sociales y consolidar un espaciu políticu diferenciáu dientro del panorama asturianu
Apertura y renovación. Dende la dirección defendióse un modelu descentralizáu nel ámbitu municipal, dexando que les agrupaciones llocales decidan cómo presentase en cada conceyu. La formación entiende que la política municipal precisa soluciones distintes según el territoriu, especialmente nun escenariu onde’l municipalismu y les candidatures de proximidá siguen teniendo pesu nel mapa políticu asturianu.
Aína anunció tamién la futura convocatoria d’una Asamblea Xeneral destinada a reforzar la cohesión interna y avanzar nun compromisu feminista más sólidu. Nel mesmu marcu, la formación confirmó la intención de poner en marcha una fundación vinculada al partíu que sirva pa fortalecer el so discursu ideolóxicu, impulsar la formación política de militantes y candidates y favorecer un cambéu cultural na sociedá asturiana.
Con esti movimientu, Aína entra oficialmente na carrera política escontra 2027 apostando por una fórmula propia, asturianista y de vocación amplia. El partíu busca agora tresformar el discursu congresual nuna estructura capaz d’atraer nuevos sectores sociales y consolidar un espaciu políticu diferenciáu dientro del panorama asturianu
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
