Xorrez la tensión ente Cuba y EEXX

Cuba atraviesa una de les peores crisis económiques y sociales de les últimes décades. La islla sufre cortes d’electricidá frecuentes, escasez de combustible, inflación alta y falta de productos básicos, mientres miles de cubanos siguen emigrando pola situación. El Gobiernu de Miguel Díaz-Canel intenta caltener la estabilidá nel mediu d’una fuerte presión internacional y del endurecimientu de les sanciones de los Estaos Xuníos. Dellos analistes consideren que la combinación de crisis enerxética, cayida del turismu y bloqueu económicu debilitó gravemente al país. Dende finales de xineru, el gobiernu norteamericanu solo permitió atracar en Cuba un tanqueru rusu con 100.000 tonelaes de crudo.

La principal amenaza reciente sobre Cuba provién de declaraciones del presidente estauxunidense Donald Trump, quien insinuó la posibilidá d’una intervención o “toma” de la islla si nun se producen cambeos políticos. Trump endureció les sanciones, impulsó un bloquéu sobre’l suministru de petroleu y llegó a alvertir públicamente que Cuba tenía que “algamar un alcuerdu enantes de que fuera mui sero”. Anque funcionarios estauxunidenses afirmen que nun esiste una invasión inminente, l’aumentu de la presión militar y diplomática xenera esmolecimientu nun sólo en Cuba, tamién n’América Llatina y nos organismos internacionales.