Ciencia
normal
Apophis: d'amenaza (seria) a eventu astronómicu
L'asteroide, que sollertó a los científicos, va pasar raspiando la Tierra en 2029
📷 Asteroid 253 Mathilde | NASA, Public domain, via Wikimedia Commons
23/09/2026 05:00
| REDAICIÓN
Depués del clis solar total d'agostu vamos poder esfrutar en 2027 d'otru nuevu clis solar anque, nesti casu, parcial con una ocultación del 77% del discu solar. Esta vez la suerte cuerre pel sur ibéricu onde ellí sí, va ser total. Pal próximu eventu astronómicu estraordinariu visible n'Asturies hai qu'esperar a 2029 y va tratase d'un asteroide.
Los asteroides son restos rocosos de la formación del Sistema Solar que viaxen alredor del Sol siguiendo órbites bien diverses. La mayoría concéntrase nel cinturón d'asteroides allugáu ente Marte y Xúpiter, pero dalgunos d'estos cuerpos modifiquen la so trayectoria por efeutu de la gravedá de los planetes y terminen cruciando la órbita terrestre. Son los llamaos asteroides averaos a la Tierra, un grupu que los astrónomos vixilen de forma permanente pa conocer los sos movimientos y evaluar cualesquier posible riesgu. La ESA contabiliza anguaño decenes de miles d'estos oxetos y cada añu afayen munchos más.
Ente toos ellos, pocos espertaron tanta atención como Apophis. Afayáu'l 19 de xunu de 2004, l'asteroide foi consideráu primeramente una amenaza real: los primeros cálculos llegaron a estimar nun 2,7 % la posibilidá de que chocare cola Tierra'l 13 d'abril de 2029, una cifra esceicionalmente elevada pa un oxetu de dimensiones tales. Estudiáronse tamién posibles impautos en 2036 y 2068, lo que convirtió a Apophis unos años nun de los asteroides más esmolecedores conocíos. El so nome, inspiráu nel dios exipciu Apofis, deidá del caos y la destrucción, reflexaba la medrana que llegó a provocar. Sicasí, nueves observaciones óptiques y, sobre manera, midíes de radar permitieron determinar la órbita con muncha mayor precisión. En 2021, los científicos refugaron cualesquier posibilidá d'impautu cola Tierra, pelo menos los próximos cien años y retiraron Apophis de la llista d'asteroides de riesgu de la ESA.
El verdaderu espectáculu va llegar el 13 d'abril de 2029, cuando Apophis pase a menos de 32.000 kilómetros de la superficie terrestre, aproximadamente diez vegaes más cerca que la lluna y per baxo de la órbita de munchos satélites xeoestacionarios. Con unos 375 metros de diámetru —un tamañu comparable al d'un gran cruceru—, va ser l'averamientu conocíu más próximu a la Tierra d'un asteroide d'estes dimensiones. A lo llargo d'unos minutos, si les condiciones meteorolóxiques lo permiten, va poder observase a güeyu dende Asturies, amplies zones d'Europa, d'África y de partes d'Asia, por más que la meyor esperiencia va depender de disponer de cielos escuros y estenos. L'alcuentru va ser tamién un esperimentu científicu esceicional: la gravedá terrestre va modificar la órbita d'Apophis y pue provocar cambios na so rotación, amás de deslizamientos o movimientos na superficie. La misión Ramses de la ESA tien previsto acompañalu nel sobrevuelu pa estudiar esos efeutos, mientres que la misión OSIRIS-APEX de la NASA tamién va observar l'asteroide depués de que pase peles proximidaes de la Tierra.
Los asteroides son restos rocosos de la formación del Sistema Solar que viaxen alredor del Sol siguiendo órbites bien diverses. La mayoría concéntrase nel cinturón d'asteroides allugáu ente Marte y Xúpiter, pero dalgunos d'estos cuerpos modifiquen la so trayectoria por efeutu de la gravedá de los planetes y terminen cruciando la órbita terrestre. Son los llamaos asteroides averaos a la Tierra, un grupu que los astrónomos vixilen de forma permanente pa conocer los sos movimientos y evaluar cualesquier posible riesgu. La ESA contabiliza anguaño decenes de miles d'estos oxetos y cada añu afayen munchos más.
Ente toos ellos, pocos espertaron tanta atención como Apophis. Afayáu'l 19 de xunu de 2004, l'asteroide foi consideráu primeramente una amenaza real: los primeros cálculos llegaron a estimar nun 2,7 % la posibilidá de que chocare cola Tierra'l 13 d'abril de 2029, una cifra esceicionalmente elevada pa un oxetu de dimensiones tales. Estudiáronse tamién posibles impautos en 2036 y 2068, lo que convirtió a Apophis unos años nun de los asteroides más esmolecedores conocíos. El so nome, inspiráu nel dios exipciu Apofis, deidá del caos y la destrucción, reflexaba la medrana que llegó a provocar. Sicasí, nueves observaciones óptiques y, sobre manera, midíes de radar permitieron determinar la órbita con muncha mayor precisión. En 2021, los científicos refugaron cualesquier posibilidá d'impautu cola Tierra, pelo menos los próximos cien años y retiraron Apophis de la llista d'asteroides de riesgu de la ESA.
El verdaderu espectáculu va llegar el 13 d'abril de 2029, cuando Apophis pase a menos de 32.000 kilómetros de la superficie terrestre, aproximadamente diez vegaes más cerca que la lluna y per baxo de la órbita de munchos satélites xeoestacionarios. Con unos 375 metros de diámetru —un tamañu comparable al d'un gran cruceru—, va ser l'averamientu conocíu más próximu a la Tierra d'un asteroide d'estes dimensiones. A lo llargo d'unos minutos, si les condiciones meteorolóxiques lo permiten, va poder observase a güeyu dende Asturies, amplies zones d'Europa, d'África y de partes d'Asia, por más que la meyor esperiencia va depender de disponer de cielos escuros y estenos. L'alcuentru va ser tamién un esperimentu científicu esceicional: la gravedá terrestre va modificar la órbita d'Apophis y pue provocar cambios na so rotación, amás de deslizamientos o movimientos na superficie. La misión Ramses de la ESA tien previsto acompañalu nel sobrevuelu pa estudiar esos efeutos, mientres que la misión OSIRIS-APEX de la NASA tamién va observar l'asteroide depués de que pase peles proximidaes de la Tierra.
Rellacionaes
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
_mathilde.jpg){kind=link}