Mundu
normal
La victoria de la ultraderecha prende toles alarmes n'Alemaña
La AfD llogró cerca del 44% de los votos en Saxonia-Anhalt, más del doble que cinco años atrás, y dexa al partíu del canciller Friedrich Merz énte una derrota hestórica. El terremotu políticu llega precisamente cuando Alemaña empezaba a amosar signos de recuperación económica y reabri, nun país marcáu pol so pasáu, l'alderique sobre hasta ónde pue avanzar una fuerza oficialmente considerada estremista.
📷 L'ultraderechista Ulrich Siegmund, nun mítin en Zeitz | Dirk Bindmann, CC BY-SA 4.0, via Wikimedia Commons
07/09/2026 15:36
| REDAICIÓN
Alternativa p'Alemaña (AfD) llogró esti domingu de la mano d'Ulrich Siegmund, una resultancia ensin precedentes en Saxonia-Anhalt: el 43,8% de los votos y 39 de los 83 escaños del Parllamentu rexonal. La CDU de Friedrich Merz cayó hasta alredor del 17%, dempués de gobernar l'estáu mientres más de dos décades. La dimensión de la resultancia tresciende la política rexonal: AfD llidera yá delles encuestes nacionales y aspira abiertamente a convertir la so meyora nel este del país nel trampolín escontra'l Gobiernu federal. Merz, que prometiera amenorgar el sofitu a la formación ultraderechista, sal especialmente debilitáu.
El güelpe llega amás nun momentu delicáu pa la primer economía europea. Alemaña empieza a recuperase tres años d'estancamientu y dellos institutos económicos revisaron al alza les sos previsiones, pero l'ascensu de AfD introduz una nueva fonte d'incertidume. El so refugu a bona parte de la inmigración, les sos posiciones contraries a una mayor integración europea y el so acercamientu a Rusia pueden afectar al enfotu inversor y agravar un problema especialmente seriu pa la industria alemana: la falta de trabayadores nuna sociedá avieyada. Dalgunes fontes, como REUTERS alvierten de que, magar que l'impactu inmediatu de Saxonia-Anhalt sobro'l PIB nacional ye pequeñu, una AfD cada vez más fuerte podría enzancar les reformes qu'Alemaña precisa pa consolidar la so recuperación.
N'Alemaña la resultancia adquier amás una carga hestórica inevitable. Nun significa que los sos votantes puedan oldease a los del nazismu, pero sedría la primer vegada dende la Segunda Guerra Mundial qu'una fuerza d'estrema derecha podría encabezar el Gobiernu d'un estáu alemán. Y la esmolición nun se basa namái n'etiquetes polítiques: el mesmu serviciu de proteición de la Constitución de Saxonia-Anhalt considera a la organización rexonal de AfD una formación d'estrema derecha confirmada y sostién que parte del so discursu va escontra principios básicos como la dignidá humana y la democracia. El so informe de 2025 alvierti amás de que'l partíu pretende modificar la política alemana de memoria histórica, a la que AfD acusa de perpetuar un «complexu de culpa», sustituyéndola por una identidá nacional más reivindicativa.
El gran interrogante ye agora si AfD va llegar daveres al poder. Los sos 39 diputaos nun algamen por sí solos la mayoría absoluta y la CDU, el SPD, los Verdes y el restu de los grandes partíos caltienen dica agora'l denomináu «cortafueos», el compromisu de nun gobernar con la estrema derecha. Merz repitió que la CDU nun va collaborar con AfD, anque la resultancia va obligar a buscar fórmules difíciles, que podríen incluyir un Gobiernu en minoría sosteníu dende fora por otres fuerces. AfD va tratar, pela so parte, de frañar esi aisllamientu buscando sofitos o deserciones. La batalla qu'empieza en Saxonia-Anhalt pue determinar non yá quién gobierna esti estáu, sinón si'l gordón sanitariu qu'Alemaña llevantó mientres décades frente a la estrema derecha ye a aguantar la so mayor prueba hasta agora.
El güelpe llega amás nun momentu delicáu pa la primer economía europea. Alemaña empieza a recuperase tres años d'estancamientu y dellos institutos económicos revisaron al alza les sos previsiones, pero l'ascensu de AfD introduz una nueva fonte d'incertidume. El so refugu a bona parte de la inmigración, les sos posiciones contraries a una mayor integración europea y el so acercamientu a Rusia pueden afectar al enfotu inversor y agravar un problema especialmente seriu pa la industria alemana: la falta de trabayadores nuna sociedá avieyada. Dalgunes fontes, como REUTERS alvierten de que, magar que l'impactu inmediatu de Saxonia-Anhalt sobro'l PIB nacional ye pequeñu, una AfD cada vez más fuerte podría enzancar les reformes qu'Alemaña precisa pa consolidar la so recuperación.
N'Alemaña la resultancia adquier amás una carga hestórica inevitable. Nun significa que los sos votantes puedan oldease a los del nazismu, pero sedría la primer vegada dende la Segunda Guerra Mundial qu'una fuerza d'estrema derecha podría encabezar el Gobiernu d'un estáu alemán. Y la esmolición nun se basa namái n'etiquetes polítiques: el mesmu serviciu de proteición de la Constitución de Saxonia-Anhalt considera a la organización rexonal de AfD una formación d'estrema derecha confirmada y sostién que parte del so discursu va escontra principios básicos como la dignidá humana y la democracia. El so informe de 2025 alvierti amás de que'l partíu pretende modificar la política alemana de memoria histórica, a la que AfD acusa de perpetuar un «complexu de culpa», sustituyéndola por una identidá nacional más reivindicativa.
El gran interrogante ye agora si AfD va llegar daveres al poder. Los sos 39 diputaos nun algamen por sí solos la mayoría absoluta y la CDU, el SPD, los Verdes y el restu de los grandes partíos caltienen dica agora'l denomináu «cortafueos», el compromisu de nun gobernar con la estrema derecha. Merz repitió que la CDU nun va collaborar con AfD, anque la resultancia va obligar a buscar fórmules difíciles, que podríen incluyir un Gobiernu en minoría sosteníu dende fora por otres fuerces. AfD va tratar, pela so parte, de frañar esi aisllamientu buscando sofitos o deserciones. La batalla qu'empieza en Saxonia-Anhalt pue determinar non yá quién gobierna esti estáu, sinón si'l gordón sanitariu qu'Alemaña llevantó mientres décades frente a la estrema derecha ye a aguantar la so mayor prueba hasta agora.
Rellacionaes
Mundu
Un ensame antifascista desafía a Le Pen mientres prepara la so campaña presidencial
Miles de persones movilícense escontra Agrupación Nacional: "tamos nun momentu mui esmolecedor"
Mundu
Un ultraderechista español llama a "cazar" inmigrantes
Nes sos afirmaciones, l'ultraderechista fizo dellos llamamientos a la “caza y pesca” de les persones migrantes
Foi Actualidá
Tres deteníos y dellos firíos ayeri n'Avilés na manifestación antifascista
Fuerte refugu de la población al mitin fascista de Vox
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
