Ciencia
normal
"Malalmuerzo": Tres cueves de Granada revelen episodios de canibalismu durante miles d'años nel Neolíticu
Los casos, en distintos momentos del Neolíticu, pudieron tar venceyaos a episodios violentos y n'otros a rituales funerarios o sociales.
📷 Frontal infantil procedente de la Cueva de La Garigüela (Carigüela del Piñar, provincia de Granada, España), datáu ente 50.000 y 46.000 años d'antigüedá. La semeya amuesa una réplica, l'orixinal espónse nel "Museo Arqueológico Provincial de Granada" | Locutus Borg, Public domain, via Wikimedia Commons
10/09/2026 18:45
| REDAICIÓN
Un estudiu publicáu en Journal of Archaeological Science identificó evidencies de canibalismu en restos humanos procedentes de trés cueves de Granada (España). Les marques atopaes nos güesos amuesen qu'estes práctiques repitiéronse en distintos momentos del Neolíticu y que nun respondieron necesariamente a una única causa: en dellos casos pudieron tar venceyaes a episodios violentos y n'otros a rituales funerarios o sociales.
La investigación analiza cerca d'un millar de restos humanos procedentes de les cueves de Malalmuerzo, Carigüela y Majolicas, usando nueves dataciones por radiocarbonu y estudios tafonómicos pa determinar qué asocedió colos cuerpos dempués de la muerte. Los investigadores identificaron marques de corte feches con preseos de piedra, quebres intencionales de güesos llargos, señales d'estracción de megolla, buelgues compatibles con dientes humanos y alteraciones térmiques que podríen indicar cocción. Esti conxuntu d'evidencies dexa falar de procesamientu sistemáticu de cadabres y, en determinaos casos, de consumu de texíos humanos.
El casu de "Malalmuerzo" ye especialmente llamativu. Les dataciones asitien bona parte de los restos aprosimao ente 5300 y 4950 enantes de la nuesa dómina, y dellos cranios presenten traumatismos que pudieron producise alredor del momentu de la muerte. La concentración cronolóxica de los restos y eses mancadures lleva a los autores a plantegar que pudo esistir un episodiu relativamente curtiu de violencia interpersonal o colectiva, al que siguiría l'escarnáu y aprovechamientu de los cuerpos. Los mesmos investigadores son prudentes y nun presenten esta interpretación como una certidume absoluta, sinón como una de les desplicaciones más compatibles coles pruebes disponibles.
En Carigüela, sicasí, les evidencies tomen distintos momentos del Neolíticu, lo qu'apunta a práctiques repitíes a lo llargo del tiempu y non a un únicu acontecimientu. Ente los restos apaecen cranios deliberadamente modificaos, dalgunos d'ellos interpretaos como recipientes, una práctica documentada tamién n'otros contestos prehistóricos europeos. En Majolicas, que los sos restos allúguense aprosimao ente 3950 y 3760 e.d.C., el contestu paez distintu: la presencia de cinabriu y otros elementos asociaos a tratamientos funerarios suxer que delles manipolaciones pudieron formar parte de ceremonies rituales rellacionaes colos muertos.
L'estudiu resulta especialmente relevante porque amuesa que falar de “canibalismu neolíticu” como si fora una única costume pue ser engañoso. Los autores conclúin qu'estes práctiques foron discontinues y diverses, y que pudieron responder a situaciones bien distintes, dende violencia ente grupos hasta rituales funerarios, tratamientu d'antepasaos o actos con significáu social. Más qu'ufiertar una imaxe de comunidaes permanentemente violentes, los restos de Granada dexen reparar cómo les sociedaes neolítiques desenvolvieron formes complexes y cambiantes de rellacionase cola muerte y colos cuerpos humanos.
La investigación analiza cerca d'un millar de restos humanos procedentes de les cueves de Malalmuerzo, Carigüela y Majolicas, usando nueves dataciones por radiocarbonu y estudios tafonómicos pa determinar qué asocedió colos cuerpos dempués de la muerte. Los investigadores identificaron marques de corte feches con preseos de piedra, quebres intencionales de güesos llargos, señales d'estracción de megolla, buelgues compatibles con dientes humanos y alteraciones térmiques que podríen indicar cocción. Esti conxuntu d'evidencies dexa falar de procesamientu sistemáticu de cadabres y, en determinaos casos, de consumu de texíos humanos.
El casu de "Malalmuerzo" ye especialmente llamativu. Les dataciones asitien bona parte de los restos aprosimao ente 5300 y 4950 enantes de la nuesa dómina, y dellos cranios presenten traumatismos que pudieron producise alredor del momentu de la muerte. La concentración cronolóxica de los restos y eses mancadures lleva a los autores a plantegar que pudo esistir un episodiu relativamente curtiu de violencia interpersonal o colectiva, al que siguiría l'escarnáu y aprovechamientu de los cuerpos. Los mesmos investigadores son prudentes y nun presenten esta interpretación como una certidume absoluta, sinón como una de les desplicaciones más compatibles coles pruebes disponibles.
En Carigüela, sicasí, les evidencies tomen distintos momentos del Neolíticu, lo qu'apunta a práctiques repitíes a lo llargo del tiempu y non a un únicu acontecimientu. Ente los restos apaecen cranios deliberadamente modificaos, dalgunos d'ellos interpretaos como recipientes, una práctica documentada tamién n'otros contestos prehistóricos europeos. En Majolicas, que los sos restos allúguense aprosimao ente 3950 y 3760 e.d.C., el contestu paez distintu: la presencia de cinabriu y otros elementos asociaos a tratamientos funerarios suxer que delles manipolaciones pudieron formar parte de ceremonies rituales rellacionaes colos muertos.
L'estudiu resulta especialmente relevante porque amuesa que falar de “canibalismu neolíticu” como si fora una única costume pue ser engañoso. Los autores conclúin qu'estes práctiques foron discontinues y diverses, y que pudieron responder a situaciones bien distintes, dende violencia ente grupos hasta rituales funerarios, tratamientu d'antepasaos o actos con significáu social. Más qu'ufiertar una imaxe de comunidaes permanentemente violentes, los restos de Granada dexen reparar cómo les sociedaes neolítiques desenvolvieron formes complexes y cambiantes de rellacionase cola muerte y colos cuerpos humanos.
Rellacionaes
Ciencia
Asturies foi unu de los últimos abellugos de cazadores-recolectores d'Europa
Les escavaciones na cueva de Ḥou Amieva revelen la supervivencia de comunidaes mesolítiques que permanecieron aisllaes c...
Ciencia
La cueva de Soḥornu, revela cómo vivíen los 'asturianos' d'hai 8.000 años
La cueva de Soḥornu, n'Andrín (Llanes), sacó a la lluz restos humanos mesolíticos d'unos 8.000 años d'antigüedá y eviden...
Opinión
18/06/2026 07:07
Asturies y Llión: memoria compartida y sofitu a una llexítima aspiración d'autogobiernu
Fernán Morán
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
