La Xunión Europea cada vegada más soberana na nube

La Comisión Europea ta reforzando la soberanía dixital de la Xunión Europea per aciu de l'axudicación d'una llicitación que dexa a les instituciones, muérganos y organismos de la XE (entidaes de la Xunión) adquirir servicios soberanos na nube por hasta 180 millones d'euros a lo llargo de seis años.

Los cuatro provisores premiaos son empreses europees: Post Telecom colos sos socios CleverCloud y OVHcloud, STACKIT, Scaleway, y finalmente Proximus, que ye sociu de S3NS (empresa conxunta de Thales y Google Cloud), Clarence y Mistral.

Según informa la Comisión Europea, esta llicitación sofita los esfuerzos más amplios de la Comisión por ameyorar la so propia soberanía, reforzando'l control estratéxicu de les teunoloxíes ya infraestructures clave.