Asturies
normal
11/05/2026 13:30
Les persones con ELA, van poder dende güei acceder inmediatamente al grau máximu de dependencia
L'executivu d'Adrián Barbón garantiza la tramitación urxente y el cobru dende la solicitú, con prestaciones d'hasta 9.850 euros mensuales.
📷 @asturias.es El presidente, Adrián Barbón, reuníu con representantes de l'Asociación d'Esclerosis Llateral Amiotrófica Jovellanos (ELA Principado) y de l'Asociación d'Enfermedaes Neuromusculares del Principáu d'Asturies (Asempa).
11/05/2026 13:30
| REDAICIÓN
El Gobiernu d'Asturies activó esti llunes, 11 de mayu de 2026, el protocolu d'accesu al nuevu grau III+ de dependencia, el nivel máximu previstu pa persones con esclerosis llateral amiotrófica (ELA) y otres enfermedaes neurolóxiques d'alta complexidá y cursu irreversible. Esti grau va permitir percibir prestaciones económiques d'hasta 9.850 euros mensuales pa financiar cuidos intensivos na casa.
El nuevu nivel ta pensáu pa persones con dependencia estrema que precisen atención siguidaa y especializada. L'ayuda va poder algamar la cuantía máxima en función de les necesidaes de cada casu y de los servicios contrataos, magar que tamién va poder concedese una prestación inferior, siempres que seya de siquier 3.200 euros al mes. El Principáu preve una tramitación urxente: va amenorgar a un mes el plazu de resolvimientu, frente a los trés meses fixaos pola normativa estatal, y los efeutos económicos van aplicase dende la fecha de solicitú.
Pa aportar al grau III+, les persones con ELA tendrán de tener reconocíu primeramente'l grau III de dependencia, atopase nuna fase avanzada de la enfermedá y recibir atención na so casa. Amás, van tener qu'acreditar per aciu d'informe médicu polo menos dos criterios clínicos: necesidá de ventilación mientres más d'ocho hores al día, aspiración diaria de secreciones o inmovilidá nes estremidaes cimeres. Nel casu d'otres enfermedaes d'alta complexidá y cursu irreversible, va ser necesariu tener reconocíu'l grau III, apurrir l'informe sanitariu específicu establecíu pola normativa estatal y recibir atención domiciliaria.
El modelu prioriza l'atención en casa y permite entamar los cuidaos per aciu la contratación de servicios d'ayuda a casa o asistencia personal emprestaos por profesionales cualificaos y acreditaos, con contratu y factures. Como midida adicional, el Principáu va permitir l'abonu antemanáu de les prestaciones, ensin garantíes, pa persones con ELA. La solicitú ta disponible na See electrónica del Principáu y les duldes pueden dirixise al corréu ELA.ServicioDependencia@asturias.org. Amás, el Gobiernu asturianu abrió una llinia d'ayudes autonómiques d'hasta 20.000 euros pa persones diagnosticaes de ELA, deducibles nel IRPF pa compensar el so impactu fiscal.
El nuevu nivel ta pensáu pa persones con dependencia estrema que precisen atención siguidaa y especializada. L'ayuda va poder algamar la cuantía máxima en función de les necesidaes de cada casu y de los servicios contrataos, magar que tamién va poder concedese una prestación inferior, siempres que seya de siquier 3.200 euros al mes. El Principáu preve una tramitación urxente: va amenorgar a un mes el plazu de resolvimientu, frente a los trés meses fixaos pola normativa estatal, y los efeutos económicos van aplicase dende la fecha de solicitú.
Pa aportar al grau III+, les persones con ELA tendrán de tener reconocíu primeramente'l grau III de dependencia, atopase nuna fase avanzada de la enfermedá y recibir atención na so casa. Amás, van tener qu'acreditar per aciu d'informe médicu polo menos dos criterios clínicos: necesidá de ventilación mientres más d'ocho hores al día, aspiración diaria de secreciones o inmovilidá nes estremidaes cimeres. Nel casu d'otres enfermedaes d'alta complexidá y cursu irreversible, va ser necesariu tener reconocíu'l grau III, apurrir l'informe sanitariu específicu establecíu pola normativa estatal y recibir atención domiciliaria.
El modelu prioriza l'atención en casa y permite entamar los cuidaos per aciu la contratación de servicios d'ayuda a casa o asistencia personal emprestaos por profesionales cualificaos y acreditaos, con contratu y factures. Como midida adicional, el Principáu va permitir l'abonu antemanáu de les prestaciones, ensin garantíes, pa persones con ELA. La solicitú ta disponible na See electrónica del Principáu y les duldes pueden dirixise al corréu ELA.ServicioDependencia@asturias.org. Amás, el Gobiernu asturianu abrió una llinia d'ayudes autonómiques d'hasta 20.000 euros pa persones diagnosticaes de ELA, deducibles nel IRPF pa compensar el so impactu fiscal.
Opinión
07/05/2026 05:41
Editorial: nun nos damos
30/03/2026 16:26
Netanyahu y el xenocidiu
30/03/2026 14:21
Les coses pasaes, les que vienen, y les que tendríen de venir yá
El tiempu n'Asturies
📰 Les más lleíes
Anuncies
REDESfera
Xuegos