El primer autobús cien por cien eléctricu incorpórase al Consorcio de Transportes de Asturias

El Consorcio de Transportes de Asturias (CTA) incorporó a la so rede'l primer autobús cien por cien eléctricu, un vehículu d'última xeneración que va operar na flota del Tranvía Eléctrico de Avilés y qu'incorpora les últimes meyores en teunoloxía y accesibilidá. La directora xeneral de Tresportes, Arantza Fernández Pandorial, y l'alcaldesa d'Avilés, Mariví Monteserín, presentaron esta mañana'l nuevu vehículu nel barriu de La Lluz.

La llegada d'esti autobús a les rutes interurbanes del CTA refuerza'l compromisu del Gobiernu d'Asturies con una movilidá más caltenible. Esta apuesta súmase a iniciatives como la tarifa CONECTA, el refuerzu y meyora de la ufierta de servicios del consorciu y el sofitu al sector del tresporte nel procesu de descarbonización de les sos flotes.

Según informa la conseyería, l'autonomia del vehículu nuevu algama los 450 kilómetros y completa la recarga en menos de tres hores, lo que garantiza la operatividá diaria en condiciones reales de serviciu. Esta teunoloxía va evitar la emisión de más de 115 tonelaes de CO2 a l'atmósfera al añu.