Barbón a Ayuso: "Asturies nun almite lleiciones de naide, y menos de daquién que nos trata como si fuéramos una colonia"

La presidenta de la Comunidá de Madrid, Isabel Díaz Ayuso, minusvaloró les inversiones mexicanes n'Asturies mientres una entrevista con Federico Jiménez Losantos en esRadio, diciendo que "les inversiones n'Asturies pueden ser lo qu'equival a lo que toma un mexicanu trés díes en Madrid".

Les declaraciones provocaron la rempuesta inmediata de Barbón, que defendió la importancia de rellaciones económiques ente Asturies y Méxicu. El presidente del Principáu, aseguró que “Asturies nun almite lleiciones de naide” y reprochó a Ayuso una mirada centralista sobre'l restu de territorios. Barbón acusó a la presidenta madrilana de tratar a Asturies “con despreciu” y “como si fuéramos una colonia”.

Añade Barbón, que: "Si la xente compara dos viaxes de presidentes autonómicos a Méxicu, casi coincidentes nel tiempu y diz: -Adrián Barbón tuvo y nun creó conflictu nin bronca, sinón que dexó bon recuerdu-, ye porque dediquéme a tener reuniones con empresarios, con organizaciones económiques, patronales y culturales y, por supuestu, cola emigración asturiana, ente ellos, numberosos empresarios con inversiones n'Asturies que punxeron en valor el mio viaxe."

No voy a contestar en el mismo tono, porque mi güela me enseñó educación y respeto. Es lo que tiene ser de clase obrera, que nos enseñan siempre respeto.

Si la gente compara dos viajes de presidentes autonómicos a México, casi coincidentes en el tiempo y dice: “Adrián Barbón…

— 🌹 Adrián Barbón 💙💛 (@AdrianBarbon) May 14, 2026

El discutiniu llega dempués de dos viaxes institucionales a Méxicu con enfoques distintos. Mientres Barbón centró la so visita na comunidá asturiana y nuna misión comercial con empresariáu, el desplazamientu d'Ayuso quedó marcáu pola confrontación política y pola denuncia de la presidenta madrilana de que'l Gobiernu mexicanu intentó boicotiar parte de la so axenda y de que'l Gobiernu central punxera en peligru la so estancia ellí.