L'agua embalsao incrementóse nos caberos meses
17/05/2026 09:12
| REDAICIÓN
Les precipitaciones de los caberos meses tán incrementando la reserva d'agua embalsao en tola península. Según datos del
Ministerio para la Transición Ecológica y el Reto Demográfico, la reserva hídrica nos banzaos del estáu ye de 47.010 hm3 (hectómetros cúbicos) d'agua.
La media porcentual de reserva hídrica nel estáu ye de 83,9%, cifra que coincide cola de la rexón Cantábrico Occidental que correspuende a Asturies. Na rexón Cantábrico Oriental ye de 86,3%. La rexón que más reserva tien ye la de Cuencas Internas País Vasco col 95,2% y la que menos la del Segura col 59,5%.
No que cinca a Asturies, la capacidá total ye de 490 hm3, atopándose actualmente nos 411. L'añu pasáu la media foi de 435 y la de los postreros diez años de 430.